विराटनगर , चैत्र १५
जिल्ला प्रहरी कार्यालय मोरङले बिभिन्न देशहरुमा बढी रहेको दोस्रो चरणको कोरोना संक्रमणलाई मध्यनजर गर्दै घरमै होलि मनाउन आग्रह गरेको छ । सार्वजानिक क्षेत्रमा हुने भीडभाड नगरी होलि खेल्न प्रहरीले अनुरोध गरेको हो ।
यस पटकको होलिमा प्रहरीले विशेष निगरानी र सुरक्षा चेकजाँचलाई कडाई गरेर मात्र होलि खेल्न दिने भएको हो । आवश्यक परेको खण्डमा क्विक रेस्पोन्स टोलि समेत परिचालन गर्ने प्रहरीले जनाएको छ । साथै सार्वजानिकस्थलमा अभद्र र असभ्य व्यवहार देखाउनेहरुलाई नियन्त्रणका लागि सादा पोशाकमा प्रहरी परिचालन समेत गरीएको जिल्ला प्रहरी कार्यालय मोरङले जनाएको छ । त्यसका साथै मादक पदार्थ तथा लागु औषध खाएर हिडेको पाइएमा कारवाही गर्ने प्रहरी जनाएको छ ।
