काठमाडौं, चैत १५
आज हिमाली एवं पहाहडी जिल्लाहरुमा होली मनाईदैछ । रङहरुको पर्व रुपमा चिनिने यस पर्वलाई फागुन शुक्ल पूर्णिमाका दिन मनाउने गरिन्छ ।
तराईंका जिल्लाहरुमा भने पूर्णिमाको भोलीपल्ट होली मनाईन्छ । कोरोनाको दोस्रो लहर सुरु भएको भन्दै यो वर्ष ठूलो भीडभाड नगर्न र स्वास्थ्य सावधानीका उपाय अपनाएर मात्रै रङ खेल्न सरकारले आग्रह समेत गरेको छ ।
त्रेता युगमा दैत्यराज हिरण्यकश्यपुले विष्णुभक्त आफ्ना पुत्र प्रह्लादलाई मार्ने आफ्नी बहिनी होलिकालाई आदेश दिएका थिए । ब्रह्माबाट आगोले छुन नसक्ने वरदान पाएकी होलीकाले प्रह्लादका साथ दन्किरहेको आगोमा प्रवेश गरेकी थिईन् । उक्त आगोमा होलिका आफैँ भष्म भएको तर भक्त प्रह्लादलाई आगोले छुन नसकेको कथा होली पर्वसँग जोडिएको छ ।
पापको मार्गमा शक्तिको दुरूपयोग गर्नेको अन्त्य हुने धार्मिक मान्यताका साथ सो पर्व मनाईदै छ ।
