काठमाडौं,श्रावण २७
प्रधानमन्त्री केपी शर्मा ओली आज सिगांपुरबाट फर्किएका छन् । प्रधानमन्त्री केपी शर्मा ओली नियमित स्वास्थ्य परीक्षणका लागि श्रावण १८ गते सिंगापुरा गएका थिए ।
प्रधानमन्त्रीले यसपटक भ्रमणबारे पत्रकारहरुलाई कुनै प्रतिक्रिया दिएनन् । स्वास्थ्यबारे पत्रकारहरुले जानकारी माग्दा ओलीले भने, ‘केही दिनमा थाहा पाइहाल्नु हुन्छ ।’
त्यती भनेर उनले पत्रकारसंगको संबाद टुंगाएका थिए । उनले आफ्नो त्यो भनाइलाई थप पुष्ठी गरेनन् । प्रधानमन्त्रीले निकट भविष्यमा नेपाली राजनितिमा आउने उताब–चढाब बारे केही भन्न खोजेको हो वा आफ्नै स्वस्थ्य अवस्थाबारे बताउन खोजेको हो भन्ने कुरा पत्रकारहरुले खुट्याउन सकेनन् ।
प्रधानमन्त्रीलाई स्वागत गर्न सभामुख कृष्णबहादुर महरा, उपप्रधानमन्त्री एवम् रक्षामन्त्री ईश्वर पोखरेल, सरकारका अन्य मन्त्रीहरु, नेकपा नेता बामदेव गौतम, सुवास नेम्वाङलगायत विमानस्थलमा पुगेका थिए ।
