विराटनगर, चैत्र २५
जिल्ला प्रहरी कार्यालय मोरङले कटहरी गाउँपालिका १ मा संचालित जय बैष्णु फर्निचर उद्योगमा चोरी गरेको आरोपमा ४ जनालाई पक्राउ गरेको छ ।
प्रहरीले जहदा गाउँपालिका ४ का रतन कुमार कोईरीले संचालन गर्दे आएको जय बैष्णु फर्निचर उद्योगमा चैत्र २१ गते राती भएको चोरी संग्लग्न ४ जनालाई चैत्र २४ गते दिउँसो पक्राउ गरेको हो ।
पक्राउ पर्नेहरुमा बिराटनगर महानगरपालिका ८ का २३ बर्षीय लक्ष्मी यादव, २२ बर्षीय अर्जुन मुखिया, २७ बर्षीय धर्मेन्द्र राय र २२ बर्षीय दिपेश कुमार राय रहेका छन् । प्रहरीले उनीहरुबाट रन्दा मेशिन १ थान, हेण्डकटर १ थान, जेक्सो मेशिन १ थान,यल इ डी टि भी १ थान, मोवाईल १ थान, पानी तान्ने मोटर १ थान र विभिन्न हाते औजार समेत बरामत गरेको छ ।
उनीहरुको थप अनुसन्धान गरिरहेको प्रहरीले जानकारी दिएको छ ।
