आगोले जलेर खोटाङका एक बृद्धाको मृत्यु

विराटनगर, चैत्र २५
खोटाङको बराहपोखरी गाउँपालिका–२ बस्ने ७४ बर्षीया डम्बर कुमारी मगरको आगोले जलेर मृत्यु भएको छ । आज दिउँसो १ बजेको समयमा स्थानीय तरेभिर जंगलमा आगलागीमा परी उनको मृत्यु भएको हो ।
प्रहरी तथा स्थानीयवासीहरुले आगलागी नियन्त्रणमा लिने प्रयास गरीरहेको अवस्थामा भीरको माथी बसीरहेकी मगरलाई एक्कासी आगोको लप्काले भेटेर शरिरमा आगो लागेको थियो ।
घाईते भएका उनलाई उपचारको लागी अस्पताल लैजाने तयारी गर्दे गर्दा मृत्यु भएको जिल्ला प्रहरी कार्यालय खोटाङले जनाएको छ । घटना सम्बन्धमा प्रहरीले थप अनुसन्धान गरिरहेको बताएको छ ।