०९ साउन २०८१, बुधबार
24-07-2024 , Wed

भष्ट्रचारको आरोप लागेका निलम्बित कर्मचारीले गरे आत्महत्या

सुसाइड नोटमा लेखे ‘अख्तियार प्रमुख नवीनकुमार घिमिरेको आयु २ सय वर्ष होस’
Logo
प्रकाशित मंगलबार, साउन २८, २०७६

उदयपुर, श्रावण २८
भष्ट्रचार गरेको आरोप लागेका एक सरकारी कर्मचारीले आत्महत्या गरेका छन् । मालपोत कार्यालय कलंकीका तत्कालीन नायब सुब्बा हरिप्रसाद आचार्यले आफुलाई लागको आरोप झुठो भएको सुसाईड नोट लेख्दै आत्महत्या गरेका हुन् । उनलाई सरकारी जग्गाव्यक्तिको नाममादर्ता गरिएको घटनामा लेनदेन गरेको आरोप लागेको छ । त्रियुगानगरपालिका १० घर भएका ५५ वर्षीय आचार्यललाई अख्तियार दुरुपयोग अनुसन्धानआयोगले जेठ ३ गते भ्रष्टाचार मुद्दा दर्ता गरेको थियो । आचार्य स्वैच्छिक अवकाशलिएर बसेका थिए ।
शुक्रबार दिउँसो घरबाट निस्किएका आचार्यलाई शनिबार एक किलोमिटर परको शिखरखुट्टे जंगलमा झुन्डिएको अवस्थामा भेटिएको थियो । परिवारले शुक्रबारै प्रहरीलाई केसी हराएको रिर्पोट गराएका थिए । प्रहरीका अनुसार आचार्य सखुवाको रूखमा प्लास्टिकको डोरीमा झुन्डिएको भेटिएका थिए ।
सुसाइड नोट
लासको खानतलासि गर्दा दुईपन्ने सुसाइड नोट प्रहरीले फेलापारेको थियो । उक्त नोट शुक्रबार बेलुकी लेखीएको सुसाईड नोटमा उल्लेख छ । नोटमा लेखिएको छ ‘सतीले सपारेको देश रहेछ, मैले दुई पैसा पनि खाएको छैन तर म देशको ठूलो भ्रष्टाचारी भएँ,’ नोटमा थप लेखिएको छ ‘अख्तियार प्रमुख नवीनकुमार घिमिरेको आयु २ सय वर्ष होस् । मजस्तो निर्दोषलाई विशेष अदालतमा मुद्दा छ, रमेश भाइ काठमाडौंले सहयोग गर्नु ।’
नोटमा उनको घरमा भएका भैंसी र खसी जतिमा बिक्री हुन्छ बेचेर सहयोग गरिदिन आफन्तलाई आग्रह समेत गरेका छन् । बैंंकमा धेरै पैशा नभएको जानकारी गराउदै नोटमा लेखिएको छ ‘वाणिज्य, नेपाल, एनसीसी, एनआईसीलगायत बैंकमा के–कति पैसा छ, मैले चेक दराजभित्रको सानो ब्यागमा राखेको छु,’ । उनले छोरालाई स्नातक पढाउन नसकेकामा पछुतो लागेको समेत नोटमा उल्लेख गरेका छन् ।
के थियो त आरोप
बाँडभन्ज्याङ गाविसको सरकारी जग्गा व्यक्तिको स्वामित्वमा गएको विषयमा छानबिन क्रममा उनी दोषी देखिएका थिए । सुयल हाउजिङ कम्पनीका नाममा नक्कली स्रेस्ता खडा गरेर धनी पुर्जा समेत उपलब्ध गराएको उजुरी परेको थियो ।
उक्त घटनामा मालपोत अधिकृत शिवप्रसाद रिमालसहित ७ कर्मचारीहरु कारवाहीको घेरामा तनिएका थिए । सरकारी न्यूनतम मूल्यांकन २ करोड २१ लाख १० पर्ने उक्त जग्गो मिलेमत्तोमा व्यक्तिको नाममापास गरिएको उनीहरुविरुद्ध आरोप थियो ।

कमेन्ट गर्नुहोस्
सम्बन्धित

विराटनगर, साउन ७। विराटनगरको (काेबास कलेज छेउ) निल सदनमा नेपाली मौलिक खानाको स्वाद चाख्न चाहनेहरूका लागि नयाँ गन्तव्य थपिएको छ। हालै खुलेको चाम्रे चुकौनी खाजा घरले नेपाली परम्परागत खानालाई प्राथमिकता दिँदै स्थानीय र पर्यटकहरूलाई आकर्षित गरेको छ। रेस्टुरेन्टका संचालकका अनुसार, विराटनगरमा बढ्दो संख्यामा खुलिरहेका बिरयानी र अन्य आयातित खानाका होटलहरूको बीचमा नेपालकै मौलिक खाजालाई प्रवर्द्धन […]

विराटनगर, साउन ७ । महेन्द्र मोरङ आदर्श बहुमुखी क्याम्पसमा भएको निबन्ध लेखन प्रतियोगितामा बिबिएस प्रथम वर्षमा अध्यानरत छात्र बिजय कुमार चौधरी प्रथम भएका छन् । प्राज्ञिक विद्यार्थी परिषद् नेपाल क्याम्पस एकाइ समितिको आयोजनामा भएको निबन्ध लेखन प्रतियोगितामा बिबिएस तेस्रो वर्षमा अध्यानरत छात्रा अञ्जली साह द्वितीय र बिबिएस दोस्रो वर्षमा अध्यानरत छात्रा भुमिका घिमिरे तृतीय भइन् […]

विराटनगर, श्रावन ३ । सशस्त्र प्रहरी बल मोरङका प्रमुख एसपी विश्व खड्का आफ्नो कार्यक्षेत्रतर्फ फिर्ता भएका छन्। तस्करीको लाइन चलाएको आरोपमा उनलाई हेडक्वार्टर तानिएको थियो। तर छानबिनपछि आरोप पुष्टि नभएपछि उनलाई पुनः मोरङमा नै फिर्ता गरिएको छ। सशस्त्र प्रहरी बल मुख्यालयले गत २० असारमा छानबिन र अनुसन्धानका लागि एसपी खड्कालाई काठमाडौं बोलाएको थियो। १० दिनको […]