विराटनगर, चैत्र २७
ईलाका प्रहरी कार्यालय ईटहरीले बिभिन्न स्थानमा श्रृङखलाबद्ध रुपमा चोरी गर्ने १ जनालाई पक्राउ गरेको छ ।
प्रहरीले बिगत केही महिना देखि ईटहरी एरियाका बिभिन्न स्थानहरुबाट दिन दहाडै चोरी भएको भन्ने बिभिन्न ब्यक्तिहरुको जाहेरीको आधारमा चोरीमा संग्लग्न रहेका बिजु मोतेलाई मंगलवार राती साँढे ८ बजे ईटहरीबाट पक्राउ गरेको हो ।
पक्राउ पर्नेमा झापाको दमक नगरपालिका–१२ घर भई मोरङको केरावारी गाउँपालिका– ९ मा डेरा गरी बस्ने ३० बर्षीय बिजु मोते रहेका छन् । पक्राउ परेका मोतेको सम्बन्धमा प्रहरीले थप अनुसन्धान गरिरहेको छ ।
