धरान , चैत्र ३०
दीर्घकालिन खानेपानी व्यवस्थापन संघर्ष समिति धरानले खानेपानीको माग गर्दै खानेपानीको विल काउन्टर बन्द गरेर धर्ना दिइरहेको छन् । उनीहरुले धरानमा खानेपानी अभाव हुन थालेपछि धरान १६ स्थित खानेपानीको विल काउन्टरमा एक सातादेखि ताला लगाएर धर्ना दिदै आएका छन् ।
धरान खानेपानी व्यवस्थापन बोर्डले खानेपानीको दीर्घकालिन व्यवस्था नगरेमा अन्य महशुल केन्द्रहरु पनि बन्द गरेर धर्ना दिने संघर्ष समितिले जनाएको छ । संघर्ष समितिले धरानका घरमा पानी पुग्नुपर्ने र सहुलियत दरमा शुल्क दिनुपर्ने माग राख्दै आएको छ । उनीहरुको माग बैशाख १ गतेसम्म सम्बोधन नभए २ गते धरानका मेयर तिलक राईको घर घेराउ गर्ने समेत चेतावनी दिएका छन् ।
बोर्डका अध्यक्षसमेत रहेका धरानका मेयर तिलक राईले खानेपानी सहज बनाउनकै लागि दिनरात काम भइरहेको र अबको केही दिनमा एक दिन बिराएर पानी बितरण गर्ने बताएका छन् ।
