विराटनगरमा एक सङ्क्रमितको मृत्यु

विराटनगर, चैत्र ३०
उपचारका क्रममा एक जना कोरोना सङ्क्रमितको विराटनगरको कोसी अस्पतालमा मृत्यु भएको छ । झापा दमकका ९२ वर्षीय पुरुषको कोसी अस्पताल कोभिड १९ उपचार केन्द्र विराटनगरमा मृत्यु भएको हो ।
उनलाई गत चैत २५ गते कोरोना सङ्क्रमण पुष्टि भएपछि कोसी अस्पतालमा ल्याइएको थियो । चिनी रोगी समेत रहेका उनलाई उपचारका क्रममा आइतबार राति करिब १२ बजे मृत्यु भएको उपचार केन्द्रले जनाएको छ ।