काठमाडौं , चैत्र ३१
ठूला शहरमा रहेका विद्यालयहरु एक महिनाका लागि बन्द गर्न स्वास्थ्य तथा जनसंख्या मन्त्रालयले सिफारिस गरेको छ । कोरोना संक्रमण पुन बढेका कारण एक महिना अवधिसम्म अनलाइन कक्षामार्फत पठन पाठन गराउन मन्त्रालयले सिफारिस गरेकाे हाे ।
कोरोना संक्रमणका कारण ५ वर्षभन्दा मुनिका बालबालिकालाई स्वास्थ्यमा गम्भीर असर परेकाले कम्तीमा ३० दिन विद्यालय बन्द गरी पठनपाठन अनलाइनमार्फत गराउने प्रयास भइरहेको स्वास्थ्य मन्त्रालयले जनाएको छ । यसबारे कोभिड–१९ व्यवस्थापन केन्द्र (सीसीएमसी) र मन्त्रिपरिषदमा पनि छलफल भएरहेको र निर्णय हुन बाँकी रहेको स्वास्थ्य मन्त्रालय जनाएको छ ।
सोमबार बसेको मन्त्रिपरिषद्को बैठकले तत्काल विद्यालय बन्द नगर्ने निर्णय गरेता पनी स्वास्थ्य मन्त्रालयले भने पुनः एक महिनाका लागि विद्यालय बन्द गर्न सिफारिस गरेको छ ।
