विराटनगर, वैशाख ०६
मुलुकलाई पहिलो चरणको कोरोना कहरले च्यापेको बेला विराटनगरका एक औषधी व्यवसायीले तत्कालीन समयमा प्रतिबन्धित औषधि रेम्डीरिभिरको कालोधन्धा गरी करोडौं रुपैयाँ कमाएको रहस्य खुलेको छ ।
कारोना भाईरसविरुद्ध एन्टीभाईरलको रुपमा काम गर्ने रेम्डिसिभिर औषधी सो समयमा कलोबजारी गरी विराटनगरको औषधी व्यवसायी जितु रजकले करोडौं रुपैयाँ अवैध धन कमाएको खुल्न आएको छ ।
तत्कालीन समय रेम्डिसिभिरको साईडईफेक्ट यकिन पत्ता नलागीसकेकाले नेपाल सरकारले उक्त औषधि खुल्ला रुपमा बिक्रि वितरण गर्न प्रतिबन्ध लगाएको थियो । यदपी कोराना संक्रमणबाट अन्तिम स्टेजमा पुगेका बिरामीलाई उक्त औषधी दिनु बाहेक अरु कुनै विकल्प नरहेकोले सरकार मताहतको स्वासथ्य निकायहरुबाट मात्र उक्त औषधी बिक्रि वितरण भईरहेको थियो ।
सोही मौकाको फाईदा उठाउदै जितु रजकले भारतबाट तस्करी गर्दै हजारौं भाइल रेम्डिरिभिर नेपाल भित्र्याएको विश्वसनीय स्रोत बताउँछ । उनले पहिलो चरणको कोरोना–कहरको अवधीभर करिव ५ हजार भाईलभन्दा बढी रेन्डिसिभिर नेपाल भित्र्याएर बेचबिखन गरेको स्रोतको दावी छ ।
नेपालमा सरकारी स्वास्थ्य निकायबाट रेडिसिभिर प्रति भाईल ३ हजार ५ सय रुपैयाँ पाईरहेको बेला रजकले भने १२ हजारसम्ममा सोही औषधी बिक्रिबितरण गरेका थिए । “मर्ता क्या नही कर्ता” भने झैँ सरकारी स्वास्थय निकायबाट बिरामीले सजिलै रेम्डिसिभिर नपाएपछि रजकसँग महँगोमा भएपनि सो औषधी किन्न बाध्य भएका थिए । रेम्डिसिभिरको तस्करी तथा कालोबजारी गरेर मात्र रजकले ५ करोड रुपैयाँभन्दा बढी अवैध धन कमाएको स्रोतको बुझाई छ ।
जितु लाईन्स क्लब अफ विराटनगर रानीका अध्यक्ष समेत हुन् । लाईन्स जस्तो मनाव–परोपकारी संस्थामा आवद्ध व्यक्तिले जिवन–मरणको लागी प्रयोग हुने औषधीमा कलोबजारी गर्नु संस्थाका नितिसँग मेल खादैन् । रजकको यस्तो कार्यले लाईन्सको छवी समेत बिगारेको छ ।
उक्त विषयमा सरकारका निकायहरुले तुरुन्तै छानवीन गरि कारवाही प्रक्रिया अघिडी बढाउनु जरुरी देखिन्छ ।
यस विषयमा खबरदारी निरन्तर जारी रहने छ : जनचर्चा डट कम
