तस्बीरः बिष्णु ढाकालको फेसबुकबाट

विराटनगर, श्रावण २८
एउटा भनाई छ “कलाकार कुनै धर्म हुदैन”, वास्तबमै हो र छ । यो भनाई माथिको तस्बीरले पुष्ठी गर्दछ । उक्त तस्वीरमा एक मुुसलमान युवाले हिन्दुधर्मको देउताको प्रतिमा माटोले बनाईरहेको देख्न सकिन्छ । जसले कलाकारको फराकिलो सोचलाई दर्शाएको छ । कलाकारले धर्मलाईभन्दा कर्मलाई बढी महत्व दिने गरेको कुरा यो तस्बीरले प्रष्ट पार्दछ ।
उक्त तस्बीर समाजिक संजालमा अहिले भाईरल भईरहेको छ । सोमबार मुस्लिम धर्मालम्बीहरुको महान चाँड बकर ईदको अवसर पारी नेपाल तथा भारतका थुप्रै समाजिक संजाल प्रयोगकर्ताहरुले उक्त तस्बीर सेयर गरेका थिए । समाजिक संजाल प्रयोगकर्ताहरुले कलाकारहरुको सोच वास्तबमै फराकिलो भएको प्रंशासा गरी “ईद मुबारक” भन्दै उक्त फोटो पोष्ट गरेका थिए ।
उक्त फोटो कस्को हो कसले खिचेको र कहाँ खिचेका हो भन्ने हालसम्म खुल्न सकेको छैन् ।