विराटनगर, वैशाख ७
दोस्रो चरणको कोभिड १९ को केशहरु बढ्न थालेसँगै विराटनगरका अस्पतालहरुमा स्वास्थ्य सुरक्षा समाग्रीको प्रयोग पुनः बढेको छ । करोनाको बढ्दो संक्रमणलाई मध्यनजर गर्दै विराटनगरका अस्पतालहरुले स्वास्थ्य समाग्रीहरुको प्रयोगलाई बढएका हुन् ।
विराटनगरका अधिकांस हस्पिटलहरुमा मास्क पहिरन अनिवार्य गरिएको छ । एप्रोन तथा पीपीईलाई चिकित्सय कक्षभित्र पुनः प्रयोगमा ल्याउन थालिएको छ । अस्पतालका सबै वार्डहरुमा स्वास्थ्यकर्मीहरुले हण्ड ग्लोब प्रयोगमा ल्याएको समेत देख्न सकिन्छ ।
विराटनगरको न्युरो अस्पतालले विरामी कुरुवाको लागी समेत मास्क र फेस शिल्डको प्रयोग अनिवार्य गरेको छ । त्यस्तै विराटनगरका अन्य ठुला अस्पतालले समेत मास्क र फेसशिल्ड पुनः प्रयोगमा ल्याउने तयारी गरिरहेका छन् ।
पहिलो चरणको कोरोनाको कहर सकिएर लकडाउन खुलेपछि स्वास्थ्य सुरक्षा समाग्रीको प्रयोग विराटनगरका अस्पतालमा घट्दै गएको थियो । नगरक्षेत्रमा मास्क, सेनिटाईजर तथा फेसशिल्डको प्रयोग करिब करिब निमिट्यान्न नै भईसकेको थियो । दोस्रो चरणको कोभिड १९को संक्रमण देखीन थालेसँगै फेरी पनि नगरक्षेत्रमा स्वास्थ्य सुरक्षा सामाग्रीको प्रयोग बढ्न थालेको छ ।
विराटनगरका विभिन्न उद्योेग, व्यापारिक केन्द्र, बैंक तथा वित्तिय संस्था, समाजिक संस्था, सरकारी निकाय, अस्पताल तथा स्वस्थ्य केन्दहरु स्वास्थ्य सुरक्षा समाग्री पुनः प्रयोगमा ल्याउने तयारीमा जुटेका छन् ।
पहिलो चरणको कोराना कहर अन्त्य भएसँगै खस्किएको स्यानिटजर, मास्क तथा अन्य स्वास्थ्य सुरक्षा समाग्रीको व्यापार फेरी पनि फस्टाउन थालेको उत्पादक तथा विक्रेताहरुले प्रतिक्रिया समेत दिएका छन् ।
