विराटनगर, असोज २५
विराटनगर भन्सारका एजेन्ट गुलाब साह अवैध ढंगले मालसमान पास गराउने खेलमा संक्रिय भएको पाईएको छ । बेला बेला भन्सार तथा राजस्वको विवादमा तानिरहने एजेन्ट साह अहिले भिसिटिएस बिनै मालसमान पास गराउने खेलमा सक्रिय भएको पाईएका छन् ।
एजेन्ट गुलाब साहले छोरा मन्टु साहलाई अहिले भन्सार सेटिङ मिलाउने जिम्मा लगाएर बिना भिसिटिएस समान पास गराउने गरेको खुलासा भएको छ । बाबु गुलाबको निर्देशनमा छोरा मन्टुले विराटनगर भन्सारबाट अहिले विभिन्न फर्मको मालसमान भिसिटिएस विनै जाँचपास गराउने गरेको रहस्य समेत खुलेको छ ।
एक साता अघि विराटनगरको पारिजात चोकबाट ३४ लाख बराबरको कपडा बोकेको ट्याक्टर प्रहरीले पक्राउ परेपछि एजेन्ट गुलाब साह र उनका छोरा मन्टु साहको कालो कर्तुतको पर्दाफास हुन पुगेका थियो । एजेन्ट साहमार्फत जाँचपास किलियर भएको उक्त मालसमनलाई ढुवानी गर्न प्रयोग भएको ट्याक्टर भिसिटिएस प्रणालीमा उल्लेख नभएको पाईएको थियो ।
पक्राउ परेको मालसामान विराटनगरस्थित जया इम्पेक्सले आयत गरेको बुझिएको छ । भिसिटिएसमा गाडि नम्बर उल्लेख नगरी जाँचपास गराउन नमिल्ने भन्सार प्रवाधन रहेपनि भन्सार कर्मचारीसँगको सेटिङमा साह बाबु–छोराले उक्त गोरखधन्धा चलाउने गरेको बुझिएको छ । सोही कारण उक्त मालसामानमा चेकजाँँचमा खटिएका कर्मचारी तथा एजेन्ट गुलाब साहलाई एव् उनका छोरा मन्टुलाई राज्यको नियामक निकायले अनुसन्धानको दायरामा ल्याउन जरुरी देखिएको छ ।
एजेन्ट साहको विराटनगरमा मार्वल तथा हर्डवेयरको स्टोरसमेत रहेको छ । उक्त स्टोर समेत बेलाबेला राजस्व छलीको विवादमा मुछिरहेने गरेको छ ।
