कार्तिक ३०, विराटनगर

विराटनगरलाई रात्रीकालिन अवस्थामा समेत खुला गराउन प्रदेश १ सरकारले आन्तरिक गृहकार्यकाे थालनी गरेकाे छ। उक्त एजेण्डालाई सफल पार्न प्रदेशका नवनियुक्त आन्तरिक मामिला मन्त्री केदार कार्की र विराटनगरका मेयर भिम पराजुली आन्तरिक गृहकार्यमा जुटेका छन् ।

रात्रीकालिन अवस्थामा सहर खुल्ला गराउनका लागी अवश्यक पर्ने सुरक्षा व्यवस्था र स्रोतसाधनको विषयमा संघीय सरकारसंग परामर्श गर्ने प्रदेश सरकारको योजना रहेको छ । विषेशगरी संघिय सरकार मार्फत खटिएका प्रशासनिक निकायहरुलाई रात्रीकालिन अवस्थामा खटाउन संघिय सरकारलाई अग्रह गर्ने मन्त्री कार्किको विचार रहेको छ । स्रोतको अनुसार संघिय सरकारबाट असहयोग भए प्रदेश सरकारले आफ्नै स्रोतसाधन तथा आन्तिरिक जनशक्तिको प्रयोग गरेर भएपनि रात्रीकालिन अवस्थामा प्रदेशको राजधानि विराटनगरलाई संचालनमा ल्याउने तयारी गर्दै छ ।

प्रदेश सरकारले परिक्षणको लागी शुरुमा रातीको बाह्र बजेसम्म विराटनगरको मुख्य बजारहरु संचालनमा ल्याउने सोच बनाएको छ । क्रमश: पुर्ण विराटनगरक्षेत्रलाई नै २४ घण्टा संचालनमा ल्याउने प्रदेश सरकारको भावी योजना रहेको छ ।
विराटनगरका मेयर भिम पराजुलीले आफु निर्वाचित भएदेखिनै विराटनगरलाई रात्रीकालिन अवस्थामा समेत खुलाउनु पर्ने विषयमा प्रदेश एव संघिय सरकारसंग पहल गरिरहेका थिए । तर केन्द्र र प्रेदश सरकारमा विराटनगरका कुनै पनि प्रभावशाली नेता नभएका कारण विराटनगरलाई रात्रिकालिन अवस्थामा संचालनमा ल्याउन मेयर पराजुली सफल भएका थिएनन् । प्रदेश सरकार परिवर्तन भएर आन्तिरिक मामिला मन्त्रालयमा विराटनगरकै रैथाने केदार कार्कि मन्त्री भएर आएपछि विराटनगरलाई रात्रीकालिन अवस्था खुलाउने पर्ने विषयले पुन: प्रथमिकता पाएकाे छ ।

तपाईको प्रतिक्रिया