काठमाडौं, माघ २४
स्वास्थ्य मापदण्डलाई उल्लघन गर्दै चिशंखुगढी गाउँपालिकाका विद्यालयहरु संचालनमा आएका छन् । भौतिक उपस्थितिमै विद्यालय संचालन भईरहेको त्यहाँ न्युनतम स्वास्थ्य मापदण्ड समेत अपनाइएको छैन ।
एक अभिभावकका अनुसार रुघा,खोकी र ज्वरोका कारण बालबालिकाहरु बिरामी हुँदा समेत कोरोनाको परिक्षण गराउन तर्फ गाँउपालिका अग्रसर देखिदैन । जनप्रतिनिधिहरुको लपारवाहीको कारणले गर्दा अहिले चशंखुगढीका अभिभावकहरु आफ्नो बालबालिकालाई विद्यालय पठाउन डराईरहेका छन् ।
चिशंखुगढीमा बढ्दो संख्यामा विद्यार्थी, शिक्षक तथा अभिभावकहरुमा रुघा, खोकी तथा ज्वरो जस्ता कारोनाको लक्ष्यण देखिरहेको छ । तर पनि करोनाको परिक्षण गर्नतर्फ स्थानीय सरकार तदारुक नदेखिएको गाउँपालिकाबासीहरुको गुनासो छ ।
कोरोना परिक्षण नहँुदा थप चिन्ता बढेको स्थानियको भनाइ उद्धित गर्दै एक स्थानीय सञ्चारकर्मीले भने “विद्यालय खुल्ला छ, रुघाखोकी लागेका मानिसहरु समुदायमा हिडडुल गरिरहेका छन् , कोराना पुष्टी नभएसम्म क्वारेन्टाईनमा बस्न कोही पनि मान्दैनन् , अर्कोतर्फ परिक्षण गराउने स्थानीय सरकारको संयन्त्र फितलो छ ।” सोही विविध कारणले गर्दा चिशंखुगढीमा समुदाय स्तरमै कोरोना फैलिएको आशंका समेत गरिएको छ ।
चिशंखुगढीमा विद्यालयहरु भौतिकरुपमै संचालनमा आईरहदा जिल्लाकै अन्य गाउपालिकाले भने हालसम्म भौतिकरुपमा विद्यालय खुलाएका छैनन् । त्यहाँको सिद्धिचरण गाँउपालिकाले स्वास्थ्य मापदण्ड अपनाउदै अनलाईन मार्फत पठनपाठन गराईरहेको छ । बारम्बार अनलाईनमार्फत पठनपाठन गराउने व्यवस्था मलाउन सरोकारवालाहरुले सुझाव दिदापनि गाँउपालिकाका जनप्रतिनिधिहरुले सो सुझावलाई गम्भिर रुपमा लिएको देखिदैन ।
