विराटनगर, फाल्गुन २
नेपाल प्रेस युनियन मोरङको कार्यबाहक अध्यक्षमा कौशल निरौला चयन भएका छन् । युनियनका अध्यक्ष भोजराज बस्नेत नेपाली कांग्रेस मोरङको सदस्य भएसंगै विधानत उनको पद खारेज भएको थियो । नेपाल प्रेस युनियन केन्द्रीय समितिले आइतवार निरौलालाई कार्यबाहक अध्यक्षको जिम्मेबारी दिएको छ । यससंगै निरौला मोरङको अध्यक्ष बनेका छन् ।
निराैलाले आफु मनोनित भएसंगै फेसबुकमा स्टाटस लेखेका छन् ” नेपाल प्रेस युनियन मोरङको कार्यबाहक अध्यक्ष पदको जिम्मेबारी दिएकोमा नेपाल प्रेस युनियन केन्द्रीय कमिटी प्रति हार्दिक आभार प्रकट गर्दछु । रिक्त रहेको मोरङको अध्यक्ष पदमा पाएकोे जिम्मेबारीलाई म अत्यन्त सम्यमताका साथ पुरा गर्ने छु । नेपाली कांग्रेसको सुभेच्छुक संस्थाकारुपमा रहेको यस संस्थामा गोलबद्धरहनु भएका सवै अग्रज,सुभेच्छुक तथा मेरा अनन्य साथीहरु संग हातेमालो गर्दै संस्थागत हितका लागि काम गर्ने प्रतिबद्धता ब्यक्त गर्दछु । म भनेर होइन हामी र हाम्रो भन्ने मान्यता स्थापित गर्ने छु ।”
उनले आफ्नाे कार्यकालमा युनियनकाे लागि विराटनगरमा जग्गाको लागि पहल गर्ने, युनियनको संख्या र पहिचान गर्ने, अग्रजहरुको पुस्तक प्रकाशन गर्ने, पूर्व नेतृत्वहरुकाे विवरण अभिलेखिकरण र परिचयपत्रको व्यवस्था गर्ने कार्ययाेजना समेत सार्वजनिक गरेका छन् ।
