विराटनगर, चैत २
नोबेल मेडिकल कलेज विराटनगरका चिकित्सकले एक युवकको पेटबाट फलामको सिक्री र पेटीको बक्कल निकालेका छन् ।
भोजपुर जिल्लाको भोजपुर नगरपालिका १२ वस्ने २१ वर्षीय युवकको शरिरभित्रबाट सिक्री र बक्कल निकालएको हो ।
ति युवको पेटभित्र सिक्री र बक्कल भने खाना नलीमा अड्किएको अवस्थामा भेटिएको अस्पतालले जनाएको छ । आत्माहत्या गर्छु भन्दै ती युवकले सिक्री र बक्कल निलेको पाइएको छ । बक्कल र सिक्री निलेर उनको स्वास्थ्य अवस्था गम्भीर बनेपछि युवकलाइ अस्पताल ल्याईएको बुझिएको छ ।
नोबेलका चिकित्सकद्धय डा. ध्रुवनारायण शाह र मोहन खड्काको टोलीले इण्डोस्कोपिक विधिमार्फत विरामीको मुखबाट बक्कल र दिसा नलीबाट सिक्री निकालेको अस्पतालले जनाएको छ । उपचारपछि ती युवक अस्पतालबाट डिस्चार्ज भई घर फर्किएका छन् ।
