विराटनगर, चैत ६
विराटनगरमा ‘विराट राजवंशी महोत्सव’ शनिबाराबाट सुरू भएको छ । त्रिमूर्तिचौदेखि पश्चिम जागृति टोलको खाली मैदानमा उक्त महोत्सव हुदैछ । सो मेला ११ दिन सम्म संचालन हुनेछ ।
सो महोत्सवको उद्घाटन शनिबार विराटनगर महानगरपालिका प्रमुख भिम पराजुलीले गरेका थिए । कार्यक्रममा बोल्दै प्रमुख पराजुलीले यस्ता संस्कृतिक महोत्सवले विराटनगरको शाख र महत्व दुवै बढाउने बताएका थिए । प्रमुख पराजुलीले राजवंशीहरु तराईको खट्टी मान्छे भएकाले सो समुदायलाई आदिवासी जनजातिमा सुचिकृत गरिनुपर्नेमा जोड समेत दिएका थिए ।
विराट राजवंशी प्रगतिशिल समाजद्धारा आयोजित सो महोत्सवमा राजवंशी समुदायको संस्कृती, मौलिक पहिरन र खानपिनलाई प्रवद्धन गरिने बताईएको छ । महोत्सवमा प्रर्दशनी तथा ब्यापारिक प्रयोजनका ६० वटा स्टलहरू समेत राखिएको छ । महोत्सवमा मनोरंजनका लागि रोटेपिङ र खेलकुदका सामाग्रीहरू समेतको व्यवस्था गरिएको छ ।
दैनिक राष्ट्रियस्तरका कलाकारहरूको महोत्सवमा प्रस्तुति समेत गराईने आयोजक समितिको तयारी रहेको छ । चर्चित गायक तथा गायिकाहरू सुगम पोखरेल, शिव परियार, प्रमोद खरेल, मेलिना राई, ज्योति मगर, कृष्ण लुईटेल, लाहुरे, डम्बर नेपाली, तक्मे बुढो र माग्ने बुढोलाइ ल्याउने आयोजकले व्यवस्था मिलाएको छ ।
महोत्सवमा पुर्वक्षेत्रका सुप्रसिद्ध गायक तथा संगितकार प्रबलदिप विश्वासको पनि सांगीतिक प्रस्तुती रहनेछ ।
