विराटनगर, चैत ९
✍ निरज बस्नेत
शरिरको उँचाइ अग्लो हुने बित्तिकै विचार अनि काम गराई उँचो हुन्छ भन्ने कदापी नहुदो रहेछ । यो भनाई भद्रपुर नगरपालिकाका नगर प्रमुख जिवन कुमार श्रेष्ठको हकमा लागु हुन्छ ।
तत्कालिन नेकपा एमालेबाट निर्वाचित श्रेष्ठको समान्य बोलचाली समेत उटपट्याङ किसिमको छ । नगरपालिकामा आउने सेवाग्राही प्रति आक्रोसित व्यवहार गर्दै सिंह झैं गर्जिन्छन् उनी ।
नगरमा १० वटा वडा कार्यालय छन् । प्राय वडाध्यक्षहरु श्रेष्ठको काम गराई र व्यवहार प्रति असन्तुष्ट छन् । नगरप्रमुख श्रेष्ठको अफिसियल नं ९८५२६७९९९९ हो । त्यसमा जो कोहिले फोन गर्यो , प्राय उठ्दैन, उठिहालेमा उनले गर्ने व्यवहार थाहा भई हाल्छ । जनप्रतिनिधि भनेको सवैको प्रतिनिधि हो । नगरवासीको हकमा नरम हुनु र राम्रो व्यवहार आचरण देखाउनु उसको दायित्व हुन्छ । तर शिष्टचारको सवालमा श्रेष्ठ कठोर छन् । आफ्नो नगरभित्रको मात्र नभएर अर्को ठाँउबाट आउने अतिथिलाई पनि उनले सत्कार गर्न जानेका छैनन् । यो ५ वर्षको कार्यकालमा नगरवासी र भद्रपुर नगरपालिका आउने सबैले प्रमुख श्रेष्ठको व्यवहार चालपाईसकेका छन् ।
केहि समयअघिको कुरा हो । मेची महाकाली शान्ति यात्रामा हिडेका टिम उनको तुच्छ व्यवहारको सिकार बनेका थिए । सो शान्ति यात्राको टिममा दुई व्यक्ति थिए । एक जना नोयेन्द्र अर्का रुद्र । हिड्दै ७७ जिल्ला पुग्ने र मुलुकमा स्थायी शान्ति वास्तविकतामा आओस तथा महिला हत्या हिंसा बलात्कार विरुद्ध देशव्यापी सचेतना फैलाउने दुवैको लक्ष्य थियो । जोडदार आवाज मुखरित गर्दै महान् लक्ष्यका साथमा पवित्र उद्देश्य बोकर हिडेका दुई युवालाई श्रेष्ठले घिनलाग्दो दादागिरी देखाए । यात्राका क्रममा अतिथि भएर भद्रपुर पुगेका पदयात्रीद्धय नोयेन्द्र रुद्रलाई श्रेष्ठले प्रश्न गरे “तिमिहरु यँहा आउदा के फाईदा हुन्छ ? यस्तो वाईयातमा टाइपास गरेर के लाभ भयो ?”
ति तुच्छ वचन सुन्दा श्रेष्ठ कुनै जनप्रतिनिधि नभएर फाईदा र घाटाको कारोवार गर्ने व्यापारी जस्तो भान भएको तितो अनुभव सुनाउछन् नोयेन्द्र र रुद्र ।
भद्रपुर नगरपालिकामा नगरका प्रमुख प्रसाशकिय अधिकृत, लेखा अधिकृत र अन्य कर्मचारी समेत परेशान भईसकेको पाईयो । हतपत्त नगरपालिका नआउने आई हालेमा भित्र कार्यकक्ष नछिर्ने, बाहिरै प्यासेजमा कुर्सिमा बस्ने, ऊपर खुट्टी लाउने , खुट्टो हल्लाउने, अनी भाषण छाट्ने, वादमा यताउती हेर्यो, मिटिङ भन्यो, बढीमा एक घण्टासम्म बस्ने , अनी कुलेआम टापकस्ने यही प्रवृति भद्रपुर नगरपालिकाको नगरप्रमुख जिवन कुमार श्रेष्ठको छ ।
