✍ निरज बस्नेत
विराटनगर, चैत ११

विराटनगरकाे कुनै ठाँउमा एक मदिराजन्य होटल छ जहाँ प्रहरीकै मिलेमत्तोमा यौनधन्दा भईरहेको पाईएको छ । सबैकी भाउजु नामले परिचित एक महिला प्रहरीसँगको मुख्य–साठगाँठमा यौनको व्यापार चल्दैछ त्यहाँ ।

त्यस होटलमा जो कोही जाँदा यो थाहा हुन्छ कि मदिराजन्यको साथमा यौनधन्दा व्यापार पनि राम्रैसंग फस्टाएको छ । तर प्रहरीकै संरक्षण रहेकाले त्यस होटलमा हतपत्त कसैले रेड हान्दैन । त्यस होटलका संचालकलाई पूर्वसूचना दिने केहि प्रहरीहरु नै भएकाले अनुगमनमा जाँदा पनि हत्तपत केही फेला पार्नसक्ने अवस्था रहदैन ।

त्यस होटलभित्रै संभोग (सेक्स) गर्न चाहने ग्राहकले एकपटकको १ हजार देखि २५ सय सम्म तिर्नुपर्ने हुन्छ । त्यति पैशामा होटलले नै केटी र क्यावीनको व्यवस्था मिलाईदिन्छ । आठ देखि १५ हजारसम्म तिर्दा रातभरको लागी होटलबाटै केटी लान पाईने व्यवस्था मिलाईएको छ । होटलका पुराना ग्राहकहरुले भने फोन सम्पर्कमा नै कुरा मिलाई रातभरीको कार्यक्रम फिक्स समेत गर्ने गरेका छन् ।

यौनधन्दालाई संरक्षण गरेवापत प्रहरीले दक्षिणा सहित दारु–मासु पाउने गरेका छन् । पुरुष प्रहरीले भने संरक्षण गरिदिए वापत यौन प्यास समेत निशुल्क मेट्ने अवसर पाउँदछन् ।
यौन क्रियाकलापलाई केही मुठ्ठी भरका प्रहरीले दिएको संरक्षणको कारण अहिले पुरै प्रहरी संगठन बदनाम भईरहेको छ । यस्ता संरक्षककर्ताहरुको नेटवर्कलाई मोरङ प्रहरीका प्रमुख जनार्दन जिसीले तोड्नु जरुरी देखिन्छ ।

तपाईको प्रतिक्रिया