विराटनगर, चैत १४
प्रदेशसभाको नवौं तथा हिउँदे अधिवेशन अन्त्य भएको छ । आइतबार राति १२ बजेदेखि लागुहुने गरी अधिवेशन अन्त्य भएको हो । प्रदेश प्रमुखको कार्यालयबाट प्राप्त अधिवेशन अन्त्य सम्बन्धी पत्र पढेर सुनाउँदै उपसभामुख सरस्वती पोखरेलले सो घोषणा गरिन् ।
२२ गते सुरु भएको नवौं तथा हिउँदे अधिवेशनले आर्थिक कार्यविधि तथा वित्तीय उत्तरदायित्व सम्बन्धी विधेयक पारित गरेको थियो । यस अधिवेशनबाटै मुख्यमन्त्री राजेन्द्र राईले प्रदेशसभाबाट विश्वासको मत समेत लिएका थिए ।
अधिवेशनमा सरकारले प्रदेश मिडिया व्यवस्थापन सम्बन्धी विधेयक टेबल गराएको थियो । विधेयक सैद्धान्तिक छलफलकै क्रममा छ, पारित भएको छैन ।
प्रदेशको नाम भने यस अधिवेशनले समेत टुंगो लगाउन सकेने ।
