चैत २८, विराटनगर
देवानगंज गाउँपालिकाको ६ नं. वडा कार्यालयमा सोमबार एक समूहले तालाबन्दि गरेका छन् । सो समूहले वडाबाट वितरण भएको स्प्रे (किट नाशक औधषी छर्ने स्प्रे) आफुहरुले नपाएको भन्दै तालाबन्दी गरेका हुन् ।
गत चैत २४ गते वाड नं ६ले किसानहरुलाई १ सय ५५ थान स्प्रे वितरण गरेको थियो । सोही दिन केही महिला तथा पुरुषहरुको एक समुहले स्प्रे पाउने नामवलीमा आफूहरुको नाम नभएको भन्दै वितरण कार्यमा अवरोध सिर्जना गरेका थिए । सोमबार सोही स्प्रे नपाएका समूहले वडा कार्यालयमा तालाबन्दी गरेका हुन् ।
उक्त विवादलाई मिलाउन वडाध्यक्ष देव नारायण मेहताले चैत २४ गते नै छुटेकालाई छुट फार्म भर्न अग्रह गर्दै आर्को पटक स्प्रे उपलब्ध गराउने प्रतिबद्धता व्यक्त गरेका थिए । तर भोलीपल्टैबाट निवार्चन अचार संहिता लागु भएपछि वडाध्यक्ष मेहताले छुटेकाहरुलाई स्प्रे दिन पाएनन् ।
“किसानहरुलाई कृषी समाग्री बढ्नु वडाको नियमित कार्यक्रम जस्तैनै हो, आचार संहिता जस्ता विविध कारणले कहिले काही त्यस्तो कार्यक्रम रोकिन सक्छ” मेहता भन्छन् “रोकिनको अर्थ सधैलाई बन्द हुनु त होईन, अर्को पटक जब कार्यक्रम चल्छ छुटेकाले प्राथमिकता पाउँछन् ।”
तर विवाद यसरी चर्किनुको पछि केहि राजनितिक कारण रहेको अध्यक्ष मेहता बताउँछन् । चुनावताका किसानहरुलाई उक्साउदै तालाबन्दी गराएर मतदाता भड्काउन खोजको अध्यक्ष मेहताको बुझाई छ । तालाबन्दी गर्न आउनेहरु समूहभित्र किसानहरुभन्दा बढी परिचालित व्यक्तिहरु रहेका मेहताको दावी समेत छ ।
