विराटनगर, वैशाख ६
मिस नेपाल २०२२ का लागि आवेदन खुला गरिएको छ । आयोजक ‘द हिडन ट्रेजर’ ले सोमबार काठमाडौंमा पत्रकार सम्मेलन गरीआवेदन खुला गरेको जानकारी दिएको हो ।
मिस नेपाल प्रतियोगितामा बालिग, अधिकतंमा २७ वर्ष ननाघेका र ५ फिट ३ इन्च उचाइ भएका देशभरका युवतीहरू सहभागी हुन पाउनेछन् ।
प्रतियोगितामा सहभागी हुन चाहनेले वैशाख ३१ सम्म मिस नेपालको वेबसाइटमार्फत निःशुल्क आवेदन दिन सक्नेछन् ।
‘मिस नेपाल वर्ल्ड,’ ‘मिस नेपाल अर्थ’ र ‘मिस नेपाल इन्टरनेसनल’ गरी तीन मात्र मुख्य टाइटल यस पटक रहनेछन् । मिस नेपालको अडिसन काठमाडौं, धरान, वीरगन्ज, धनगढी, नेपालगन्ज, पोखरा र सुर्खेतमा हुनेछ । अडिसनको लागी मिति छिट्टै तय गरिने अयोजकले जनाएका छ । प्रतियोगिताको फाईनल आसर ४ गते हुने मिति तय भएको छ ।
