✍ निरज बस्नेत
विराटनगर, वैशाख १९

कुनै समय थियो, यहाँ केही समुदायको बाहुल्यता थियो । जुन समयमा खास जातिको भोट नै निर्णायक हुन्थ्यो । समय बदलियो, जमाना फेरियो । यही समय चक्रसँगै मिश्रित बाहुल्यताका बिचमा भोट संख्यामा परिवर्तन आईसकेको छ ।

ADVERTISEMENT

गएको ७४को स्थानीय चुनावमा नेपाली काग्रेंसका देवेन्द्रराज पोखरेलले एमालेका उम्मेदवारलाई झिनो मतान्तरले पराजित गरेको वडा हो । यहाँ अहिले संजय मण्डल नेपाली काग्रेसका उम्मेदवार छन् । एमालेबाट जितन थापा । जसपाबाट उपेन्द्र यादव । राप्रपाबाट मोहन दाहाल लगायत अन्य छन् । सरसर्ती हेर्दा १० हजारको हाराहारीमा मतदाता संख्या भएको यस वडामा २ हजार आसपास ल्याउनेको जित सुनिश्चित बन्दछ ।

केन्द्रमा राजेन्द्र लिङ्देनको साखको कारण स्थानीय स्तरको चुनावमा राम्रै प्रभाव छोड्न सक्दछ । तथापी आम वडावासीको मत नै निर्णायक बन्दछ । राप्रपाको उम्मेदवार मोहन दाहाल वृद्ध छन् । तर पनि जोस जाँगर तरुणको जस्तै छ । भन्छन् “कांगे्रस, एमाले, माओबादीबाट जनता आजित भईसकेका छन् । यसपालि हाम्रो जित सुनिश्चित छ । एमालेमा पार्टी फुटको असर पर्न सक्छ । तथापी गएको चुनावमा निकटतम प्रतिद्धन्द्धि एमाले नै भएकै कारण यो पालि एमालेको पोल्टामा जित नपर्ला यसै अड्कल काट्न गाह्रो छ । गठबन्धनका उम्मेदवार एक्ला नभएका कारण कांग्रेसबाट मण्डलको उम्मेदवारीले जसपालाई झट्का दिन सक्दछ ।

जसपाका उपेन्द्र पूर्व अन्र्तराष्ट्रिय कब्बडी खेलाडी समेत हुन् । कांग्रेस, एमाले, जसपा, राप्रपाबिचको रोचक भिडन्त नै यहाँ जित हारको कारण बन्न सक्दछ । अन्यको उति साह्रो सम्भावना देखिदैन । निवर्तमान् वडाध्यक्ष देवेन्द्रराज पोखरेल यतिबेला काठमाडौंमा छन् । पार्टीको उम्मेदवारलाई सघाउने यो बेलामा एक्कासी उतातर्फ हानिनुलाई भित्रको असन्तुष्टि छर्लङ देखिन्छ । यही फाईदा विपक्षीले नलेला यसै भन्न सकिन्न । वषार्तको समयमा डुवानको मुख्य समस्या ज्यूँका त्यूँ छदैछ । सुकुम्बासी समस्या टट्कारो छ । विमानस्थल डुब्ने खतरा सधै रहन्छ । झट्ट हेर्दा चकमधमक सहितको विकसित देखिएतापनि यस वडा भित्रैबाट जर्जर छ । यो कटु सत्य हो । यही प्रमुख समस्यालाई चुनावी एजेण्डा बनाई विजय पश्च्यात कार्यान्यवनमा वडाध्यक्षले लगेको खण्डमा भोलीको उसको राजनितीक भविष्य सुनिश्चित बन्ने पक्का छ ।