निरज बस्नेत
विराटनगर, वैशाख २१
कराँतेका ३ डन ब्लाकबेल्ट होल्डर राजेन्द्र आचार्य राप्रपाबाट कटहरी गाँउपालिका १का वडाध्यक्षको उम्मेदवार हुन् ।

२०४१ साल असोज २मा जन्मिएका आचार्य अन्य ६ खेलका लाईसेन्स प्राप्त प्रशिक्षक समेत हुन् । कराँते बाहेक फुटबल, क्रिकेट, एथ्लेटिक्स्, हाईजम्प, लङजम्प, सटपुटका समेत प्रशिक्षक हुन् । व्यवसायमा समेत सफल व्यक्तित्व आचार्यका मुख्य चुनावी एजेण्डामा शिक्षा, स्वास्थ्य, सरसफाई महत्वपुर्ण छन् । यसका साथै आदिवासी जनजातिका जातिगत समस्या सुकुम्बासी समस्या लगाएतका छन् ।

ADVERTISEMENT

घरदैलो कार्यक्रममा व्यस्तताको विचमा पनि आचार्य हर्षित मुद्रामा हुन्छन् । विगतमा फोरम लोकतान्त्रिकका कपुरलाल माझी (हाल नेपाली कांग्रेस)ले जितेको यो वडामा यसपाली यिनी निकटतम प्रतिद्धन्द्धि एमालेका उम्मेदवारलाई मान्छन् ।

कुल ३ हजार ४ सय ६८ मतदाता छन् । जसमा ९० प्रतिशत खस्ने आचार्यको अनुमान छ । यसमा ८ सयको हाराहारीमा मत ल्याउदा वडाध्यक्षको जित सुनिश्चित बन्दछ । यसै गाँउपालिकाबाट राप्रपाका गाँउपालिकाका अध्यक्षका उम्मेदवार ओम प्रकाश साहु हुन् । साहुको बुझाईमा राजनको लोकप्रिय छवि भएको कारण जित सुनिश्चित भएको बताउँछन् । राजबंशी, थारु, माझीको बाहुल्यता भएको यहाँ यही जातिको मत निर्णायक मानिन्छ । पहाडे समुदायको समेत ६ सय ३४ मत छ । मुसलमानको मत लगाएत अन्य छन् ।
राप्रपाका केन्द्रिय अक्ष्यक्ष राजेन्द्र लिङ्देनको प्रेरणाकै कारण राजनितीमा हाम फालेको आचार्य बताउँछन् ।