निरज बस्नेत
विराटनगर वैशाख २६
एकिकृत समाजवादी विराटनगर–७ का उम्मेदवार चन्द्रशेखर धाडेवाको लोकप्रियता यतिबेला चर्चाको शिखरमा पुगेको छ । जलजला चोक निवासी धाडेवालाई जिताउने वडावासीको चाहना बुझिएको छ ।

चुनाव चिन्ह कलम छापमा मतदान गर्नुपर्छ, वडामा युवा, बुद्धीजिवी, लगायतको सल्लाह वडाभित्रै सुनिदैछ । पुस्तौदेखी यही बिराटनगरकै जनताको सेवामा लागेका धाडेवाको अर्काे राम्रो समाजसेवीको छवि झन् दरिलो छ । वडामा धाडेवा जति सशक्त छन् । त्यति नै उनको प्यानल पनि आक्रमक छ ।

चुनावी प्रचार–प्रसारका क्रममा प्रत्येक घर नछुटाईकन पुगेका धाडेवालाई सबै वडाका मतदाताले जितको शुभकामना दिएका थिए । नरम बोली सबैसंग घुलमिल भईहाल्ने प्रवृतिका यिनको मुख्य चुनावी एजेण्डामा डुवानको समस्या हल, ज्येष्ठ नागरिकको हकमा आवश्यक सहजीकरण, दलित, महिला, पिछडीएका वर्ग सबैको पहुँचमा रहेर कामकार्वाही गर्ने, शिक्षा, स्वास्थ्य र सरसफाईमा प्रमुख रुपमा जोड दिएका छन् ।

गएको ७४ को चुनावमा यस वडामा मधुवावुको नेतृत्वमा नेपाली कांग्रेसले प्यानल सहित विजय प्राप्त गरेको थियो । यो पाली कांग्रेसलाई झट्का लाग्न सक्ने वडावासी बताउँछन् । त्यस्तैगरी नेकपा एमालेले दामोदर तिवारीलाई उम्मेदवार बनाउनु पनि खासै एमालेले जित हात पार्ला जस्तो नलागेको वडाबासी बताउँछन् । राप्रपाले नरेश गिरीलाई उम्मेदवार बनाएको छ । तर, गिरी वडामा खासै जमेका छैनन् । गठबन्धनले मेयर–उपमेयरमा तालमेल गरको छ । वडामा नगरेका कारण समेत ७ नं. मा धाडेवाको पोल्टामा जित हात पर्न सक्छ । यही चर्चा वडाभरी चलिरहेको छ ।

तपाईको प्रतिक्रिया