बिराटनगर, जेठ २
निरज बस्नेत
सुनसरीको हरिनगर गाउँपालिका ७ को वडाअध्यक्षमा एकिकृत समाजवादीका मोजम्मिल खान प्यानल सहित निर्वाचित भएका छन् ।
कूल ५ सय ६६ मत ल्याई खान वडाअध्यक्षमा निर्वाचित भएका हुन् । खानका अन्य सदस्यहरुको ५ सय ४३, ५ सय ४०, ५ सय ७, ५ सय ७ मत आएको छ ।
निकटतम प्रतिद्धन्द्धी जसपाका नौसाद अन्सारीको ४ सय ६२ मत आएको छ । १ सय ४ मतान्तरको विजय हात पार्दा नवनिर्वाचित वडाअध्यक्ष खान जति खुशी देखिन्थे , त्यतिकै मात्रामा उनको पूरै वडावासी हर्षले गद्गद् भएका छन् ।
कूल २ हजार ८ सय ५४ मतदाता रहेको यस ७ वडामा २ हजार ४१ मत खसेको थियो ।
बुवा मो. नसरुल खानका माहिला छोरा मोजम्मिल खान उमेरले ३६ बर्षका छन् । मेडिकल सेक्टरका एम. आर. समेत रहेका खानको शैक्षिक योग्यता स्नातक उतीर्ण हो । आफ्नै गाउँ, ठाउँ, समाजबाट राजनीतिको श्रीगणेश गरेका खान अब विपक्षी लगायत सम्पूर्ण वडावासीको मन जितेर कामकार्वाही गर्ने बताउँछन् ।
उनको प्राथमिकतामा वडामा एम्बुलेन्स, दमकलको व्यवस्था गर्ने लगायतको छ । संगसंगै शिक्षा, स्वास्थ्य, सरसफाई, पूर्वाधार विकास, स्वच्छ पिउने पानीको व्यवस्था पनि छ ।
छिमेकी भारत सँगको नजिकै सिमाना जोडिएको यो वडामा धेरै संभावनाको ढोका खुल्ला रहेको खान बताउँछन् । घर नै पिच्छे विदेश हानिएका युवा जोशलाई बरकरार राख्नु एवं गाउँमै केहि सीपमूलक रोजगारी प्रदान गर्नुपर्ने खानको विशेष योजना रहेको छ ।
यसै वडाका ३२ बर्षीया मुनमुन भगत, खानको मुक्तकण्ठले प्रशंसा गर्दे खुशी व्यक्त गर्दे भन्छन् अब यस वडामा केही सकारात्मक काम हुने छ । त्यस्तैगरी २२ की युवती चाँदनी चौधरी पनि औधी रमाएकी छिन् । १० बर्षसम्म एम. आर. को १ नं. प्रदेश ईन्चार्ज भई काम गरिएको, खारिएको अनुभव खाँन संग छदैछ । यहि वडावासीको सम्पूर्णको साथ, सहयोग, माया, प्रेरणाले उनमा केहि गर्छु भन्ने उत्साह जागेको छ ।
