०८ जेठ २०८१, मंगलबार
21-05-2024 , Tue

दुबईमा नेपाली चेली यौनधन्दाको शिकारमा

Logo
प्रकाशित आइतबार, जेठ ०८, २०७९

बिराटनगर, जेष्ठ ८
निरज बस्नेत
मूलतः खाडी मुलुकमा चोर बाटोबाट जाने अधिकांश नेपाली चेली दलालको फन्दामा फस्ने गरेका छन् । बोर्डर नाका काकरभिट्टा देखि बागडोगरा एयरपोर्टबाट सिधै दिल्ली हुदैं खाडी मुलुकहरुमा दलालहरुले पुर‌्याउँछन् । सुरुमा विभिन्न लोप लालच प्रलोभन देखाउँछन् ठगहरुले, यसमा प्रायजसो नेपाली दलालकै हात हुन्छ ।

एक नेपालीले अर्को नेपालीलाई सेटिंङमा खुलेआम ठग्छन् । दुबईमा विशेष ठूलो दलालले सम्पूर्ण चाँजोपाजो मिलाउँछ , उसले उतैबाट चेलीहरुसंग विविध तरिकाले सम्पर्क गर्छ । बिचौलियाको काम दिल्लीमा रहेर अर्को दलाली नेपालीले नै गर्ने गरेका छन् ।
दुःख पाएका श्रीमानबाट पीडित बनेका सम्पूर्ण किसिमले गाउँघरबाट अपहेलित चेलि दलालहरुको विशेष शिकार बन्न पुग्छन् । राम्रो कमाउँने शर्तमा फकाईफुल्याई पीडित चेलीलाई भिजिट भिसा मार्फत अधिकांशलाई खाडी मुलुक पुर्याईन्छ । होम मेडको काम धेरैले गर्ने मध्यको काम हो । यसमा ४५ हजार न्यूनतम देखि मासिक ८० हजारसम्म प्रत्येक महिना कमाई हुने गरेको छ ।

यसमा भने पुरुषले जान पाउँदैनन् । पुरुषको लागि यहाँ काम नै छैन । होम मेडको काममा पुरुष मालिकले सोझा सिधा नेपाली चेलीको अस्तित्व समेत लुटिरहेका छन् । बाध्यतावश समाजमा लाज हुने डर त्रासका कारण यस्ता पीडित भएका महिलाले भित्र भित्रै दबाउँछन् । परिणाम दलालको मनोबल आज उच्च बढ्नाले नै थुप्रै नेपाली चेलीलाई लाखौं ठगी गर्दे यौन प्यास समेत मेटाउन पुग्दछन् । सबैको हकमा भने यो लागू हुदैन ।

संघर्ष गर्ने चलाखले मज्जाले जेनतेन काम गर्न सफल भएका उदाहरण पनि छन् । मोरंग, सुनसरि, झापा, ईलाम, ताप्लेजुङ, लगायतका जिल्लाका ग्रामीण भेगका महिलाहरु अत्यधिक पीडित बनिरहेका छन् । काकरभिट्टा नाका हुदै बागडोगरा एयरपोर्टबाट दिल्ली पुर्याएको अलग्गै १० हजार देखि २० हजार सम्म लिने समेत खुलेको छ । बीचमा लाग्ने होटलको खर्च पनि सम्पूर्ण स्वयंले बहोर्नुपर्ने हुन्छ । विवाहीत ३० बर्ष नाघेका महिलाले नै जोखिम उठाएर दलाल मार्फत विदेश सयर गर्ने गरेका छन् । ३ महिनाको लागि भनेर सुरुमा भिजिट भिसा दिल्लीबाटै मिलाईन्छ । त्यसपछि कम्तिमा २ बर्षको वर्किङ भिसा काम गर्ने सम्बन्धित मुलुकबाटै दलालले लाखौं कुम्ल्याई मिलाईहाल्छन् ।
कामको हकमा सम्पूणले भनेजस्तो चाहिँ पटक्कै पाउँदैनन् । केहिको हकमा राम्रो हुन्छ भने अधिकांशले दुःख नै भोग्दछन् । एक दलालकै भनाईलाई आधार मान्ने हो भने यस संजालमा मन्त्रीसम्मकै संलग्नता हुने गरेको छ ।

कमेन्ट गर्नुहोस्
सम्बन्धित

विराटनगर,७ जेठ । विराटनगरमा रहेको मानव सेवा आश्रमलाई विभिन्न दाताहरुले भवन निर्माण तथा आवासीय सेवाका लागि आर्थिक सहयोग गरेका छन् । आश्रममा आयोजित एक कार्यक्रमका बीच दाताहरुले सहयोग गरेका हुन् । विराटनगरका समाजसेवी चिरन्जीवी दाहालले ५ लाख ११ हजार १ सय ११ रुपैयाको चेक प्रदान गरेका छन् । यस्तै ट्रान्स नेपालका तर्फवाट मुकेश राठीले ५ लाख […]

विराटनगर,७ जेठ । देशभर पोलियो विरुद्धको आईपीभी राष्ट्रिय खोप अभियान जेठ १३ देखि २६ गते सम्म सञ्चालन हुने भएको छ । जसमा वि.स.२०७३ साल देखि २०७५ असोज सम्म खोप लााउन छुटेकाहरुलाई समेटिने छ । ती सालहरुमा खोपको उपलब्धता नभएका कारण देशभरका बालबालिका खोपबाट बन्चित भएका थिए । उक्त कार्यक्रम अन्तरगत मोरङमा मात्रै ५२ हजार ३५२ बालबालिकालाई […]

कानेपोखरी, ७ जेष्ठ । आइतबार मोरङको कानेपोखरीमा एकदिने लागू औषधविरुद्धकाे सचेतनामूलक कार्यक्रम सम्पन्न भएको छ। आदर्श समाज कानेपाेखरीद्वारा आयाेजित साे सचेतामूलक कार्यक्रममा कक्षा ९ र १० का दुई सयबढी विद्यार्थीलाई प्रशिक्षण दिईएकाे छ । जनसेवा माध्यमिक विद्यालयको सभाहलमा आयाेजित कार्यक्रममा आस्रा सुधारकेन्द्र धरानका प्रमुख प्रशिक्षक टिकाराम सिग्देल र रमाइलो चौकीका कार्यालय प्रमुख नारायण प्रसाद भट्टराईले […]