विराटनगर, जेठ १०
कटहरी ६ मा रहेको बर्थिङ सेन्टरमा ल्याब संचालन गर्ने निर्णय भएको छ । कटहरी गाँउपालिकाको नवचिर्वाचित अध्यक्ष देवराज चौधरीले सोमबार पदभार ग्रहण गरेसँगै उक्त निर्णय गरेका हो ।
कटहरीको बर्थिङ सेन्टरमा ल्याब नहुदाँ स्थानियलाई बारम्बार प्रदेशको राजधानी विराटनगर धाउनु पर्ने बाध्यता थियो । अब कटहरीमा ल्याब बनेसँगै परिक्षणको लागी विराटनगर धाउनुपर्ने काटहरीवासीको बाध्यता अन्त्य हुने गाँ.पा. अध्यक्ष चौधरीको विश्वास छ ।
ल्याब साउन १ गतेबाट संचालनमा आउने गाँ.पा. अध्यक्ष चौधरीले जानकारी दिनुभएको छ । ल्याबमा रगत, दिशा-पिशाव लगाएत विविध कुराको परिक्षण हुने बताईएको छ ।
