विराटनगर, जेठ १०
स्थानियवासीको कुनै पनि काम गर्न आलटाल नगर्न कटहरी गाउँपालिका अध्यक्ष देवराज चाैधरीले कर्मचारीलाई निर्देशन दिनुभएको छ ।
सोमबार कटहरीे गाँउपालिकाको सभाकक्षमा आयोजित सपथग्रहण कार्यक्रलाई सम्बोधन गर्दै उपस्थित जनप्रतिनिधि तथा कर्मचारीलाई अध्यक्ष चौधरीले सो निर्देशन दिनु भएको हो ।
चौधरीले विभिन्न कामका सिलसिलामा गाँउपालिका आएका नागरिकहरुलाई आलटाल नगरी सम्भब भएसम्म हुने काम तत्काल गरिदिन कार्मचारीहरुलाई सुझाउनु भयो ।
सामान्य कामको लागी गाउँपालिका आएका सेवाग्राहीलाई विविध कारण देखाएर लामो समयसम्म झुलाउने कर्मचार्य–प्रवृतिलाई आफुले कदाचित नसहने चौधरीले कार्यक्रमको क्रमै स्पष्ट पार्नुभयो । यदि हुनै नसक्ने काम छ भने तत्काल सम्बन्धित सेवाग्राहीलाई यथेष्ठ कारण दिएर मात्र पठाउन कर्मचारीहरुलाई अध्यक्ष चौधरीले सुझाउनु भयो ।
