कटहरी, जेठ १५
ओमकार ध्वनी परिवार नामले परिचित विराटनगरको बह्माकुमारी राजयोग सेवा केन्द्रले मोरङको कटहरी गाँउपालिकाको नवनिर्वाचित अध्यक्ष देवराज चौधरीलाई स्वागत सम्मान गरेको छ ।
विराटनगरस्थित बह्माकुमारी सेवा केन्द्रले शनिवार आफ्नै भवनमा रहेको सभाहलमा एक कार्यक्रमको आयोजना गरी नवनिर्वाचित अध्यक्ष चौधरीलाई स्वागत सम्मान गरेको हो । विराटनगर केन्द्रको तर्फबाट प्रमुख बह्मकुमारी गिताले अध्यक्ष चौधरीलाई फुलमाला, खादा तथा ओमकार ध्वनी प्रतिविम्वित स्वर्ण पत्रले स्वागत सम्मान गर्नु भएको थियो ।
सम्मान ग्रहण पश्च्यात कार्यक्रममा उपस्थित ओमकार परिवारलाई सम्बोधन गर्दै अध्यक्ष चौधरीले ओमकार परिवार र बह्कुमारी संगठनले गरेको कामको मुक्तकठंले प्रसंशा गर्नुभयो । वँहाले ध्यान र साधानको माध्यमबाट समाजलाई स्वच्छ, स्वास्थ्य र शिक्षित बनाउन ओमकार परिवारले ठुलो भुमिका खेलेको जिकिर समेत गर्नुभयो ।
बह्कुमारी एक आध्यात्मिक शिक्षण संस्था हो जसमा ध्यान र साधानाको मार्फत अनुयायीहरुलाई प्रशिक्क्षित गराईन्छ । यो संस्थाको केन्द्रहरु नेपाल तथा भारतका विभिन्न सहरहरुमा छन् । यसको केन्द्रहरु विभिन्न तेस्रो मुलुकहरुमा समेत रहेको छ ।
