दिनेश खड्का
विराटनगर, जेठ १९
कटहरी गाँउपालिकाकोे अध्यक्ष देवराज चौधरीले कटहरीको विद्यालयहरुमा नियमति अनुगमन गर्न कर्मचारी तथा प्रधानाध्यापकलाई निर्देशन दिनुभएको छ । साथै सबै वडा अध्यक्ष तथा अभिभावकहरुलाई समेत यस कार्यमा सघाँउन वहाँले अनुरोध गर्नुभएको छ ।
चौधरीले अध्यक्षको पदभार ग्रहण गरेदेखिनै कटहरीको शैक्षिक गुणस्तर वृद्धि गर्ने विषयमा हरेक दिन सरोकारवालासँग छलफलमा जुट्दै आउनु भएको छ । मंगलबार मात्र वँहाले कटहरीको विभिन्न विद्यालयको प्रधानाध्यापकसँग भेटघाट गरी शैक्षिक गुणस्थर कसरी वृद्धि गर्न सकिन्छ भन्ने विषयमा छलफल गर्नुभएको थियो । सोही क्रममा वँहाले विद्यालयको नियमित अनुगमन गर्र्न समेत कर्मचारी तथा प्रधानाध्यापकलाई निर्देशन दिनुभएको थियो ।
अध्यक्ष चौधरीले विद्यालयमा नियमित अनुपस्थित हुने वा समयअगवै नपढाई विद्यालय छोड्ने शिक्षकलाई शख्त कारवाही गर्ने कार्यक्रममै चेतावनी समेत दिनु भएको थियो । कटहरीको शैक्षिक गुणस्थर वृद्धि गर्ने विषयमा अध्यक्ष चौधरी त्यहाँका जनप्रतिनिधिहरुसँग दैनिक छलफलमा समेत जुटिराख्नु भएको छ ।
अध्यक्ष चौधरीले मंगलबारै कार्यपालिका सदस्यको सपथ ग्रहण पश्च्यात सबै वडाध्यक्ष तथा कार्यपालिका सदस्यहरुलाई आफ्नो क्षेत्रमा रहेको विद्यालयको अनुगमन गर्न अख्तियारी समेत प्रधान गर्नुभयो । वहाँले विपक्षी नेताहरुलाई समेत गाँउको विद्यालय सुधार तथा शैक्षिक गुणस्तर वृद्धिको सवालमा सहयोग गर्न अग्रह गर्नुभएको छ ।
