विराटनगर, जेष्ठ २९
निरज बस्नेत
बिराटनगरमा यतिबेला लिची आतंक चलिरहेको छ । शहरभरि लिची व्यापारीको मेला लागिरहेको छ । केहि अपवादलाई छाडेर प्रायः ले ठगीधन्दा मच्चाईरहेका छन् ।
५० पिस लिचीको रु १ सय ५० लिन्छन् । हिसाब गर्दा प्रतिगोटा रु ३ पर्छ । यसमा अक्सर ५० पिस लिची भनिएकोमा ३० देखि ४० पिस मात्र हुन्छ ।लिची खरिदकर्ता बडो चनाखो हुनु जरुरी देखिन्छ । बिराटनगरका धेरै ठाउँमा लिची आजभोली छ्याप्छ्याती सहजै किन्न पाईन्छ । यहि मौकाको फाईदा ठग ब्यापारीहरुले उँठाउछन् ।
लिची किन्न जाँदा पैसा तिरे मुताविकको मज्जाले गिन्ती गरेर जानुपर्ने जरुरी हुन्छ । अब कुरा के आउँछ भने मान्छेको व्यस्तताका बावजुद बजारमा लिची किन्दा एक एक वटा गनेर लिनपनि साध्य नहोला, तरपनि पैसा तिरिसकेपछि अलिकता धैर्यता राखेर गनेर लिदा उपयुक्त हुन्छ ।
त्यसमाथि कति त बिग्रेको, कुहिएको समेत हुलमुलमा हालिदिन्छन् । कुरा के टड्कारो प्रश्न सहित उठ्छ भने सामान्य कुरा भनि अनुगमन गर्ने सम्बन्धित निकाय किन यतिसारो बजारप्रति अनुदार छन् । आम जनता दिनदिनै ठगीरहँदा समेत कुनचाहीँ दुलोमा लुकिबसेका छन् ।
