बिराटनगर, जेष्ठ ३०
निरज बस्नेत
मिस नेपाल प्रतियोगिता २०२२ को संस्करणको ग्राण्ड फिनाले यही असार ४ गते हुदैछ । ललितपुरको गोदावारीमा अन्तिम प्रतिष्पर्धाका लागि अविवाहीत सुन्दरीहरु उत्रिदैछन् ।
देशभरिका केहि शहर केन्द्रित अडिसनको भरमा प्रतियोगिता हरेक बर्षझै यसपालि पनि हुदैछ ।
ब्युटी विथ ब्रेनको स्लोगन राखिएको यो प्रतियोगिता बर्षनी द हिडन ट्रेजरको आयोजनामा हुने गरेको छ । मिस नेपालको ट्याग भिरेपछि उक्त सुन्दरीले अर्को मिस नेपाल घोषणा नहुन्जेल कुनै पुरुषसंग विवाह गर्न पाउँदिनन् । महिलाभित्र रहेको प्रतिभा बाहिर निकाल्ने प्लेटफर्मको रुपमा मिस नेपाल प्रतियोगिता आयोजना गरेको दाबी आयोजक संस्थाको छ ।
यस मिस नेपाल प्रतियोगिता छनौट प्रक्रिया नै गलत भएको कतिपयको बुझाई छ । आयोजकले प्रतियोगिताको नाममा विविध किसिमको शोषण गर्ने गरेको गुनासो स्वयम् प्रतिष्पर्धी युवतीहरु बताउँछन् । विभिन्न संघ संस्था देखि लिएर अधिकारकर्मीहरुको बर्षेनी विरोधका स्वरहरु मुखरित हुने गरेका छन् ।
यतिका विरोध त छदैछ । वहालवाला कतिपय मन्त्रि, सांसद देखि पूर्व उच्चपदस्थ ओहोदामा बसेका समेतको चर्को विरोध भएको पाईन्छ । सबै क्षेत्रबाट यतिका विरोधका आवाज हुदाहुदै किन त मिस नेपाल प्रत्येक बर्ष बडो तामझामका साथ हुन्छ । केहि सिमित व्यक्ति बिशेष फाईदा केन्दितका रुपमा मिस नेपाल लगायत अन्य कयौं सुन्दरी प्रतियोगिताको गर्ने गरिएको देखिन्छ ।
ग्रामिण, पहाडी भेगका होनहार महिलाहरुलाई नसमेट्नु पनि आयोजकको बदमासी मान्न सकिन्छ । ९ महिना केहि पूर्व तयारी नगर्नु बाँकी ३ महिनामा हतारहतार गर्नुले यसप्रति आयोजक गैरजिम्मेवार भएको देखिन्छ ।
समय समयमा सुन्दरी प्रतियोगिताकै भरमा बर्षोसम्म यौन शोषण गरेको समाचार बाहिरिनुले हाम्रा चेली कति असुरक्षित छन् , घटनाक्रमले पुष्टि गरेका छन् । अतः आगामी दिनमा यस्ताखाले सुन्दरी प्रतियोगिताले वास्तवमा नै ब्युटी विथ व्रेन नै जन्माओस् ।
अन्तमा छनौट प्रतियोगिता सही मानेमा गलत नभई सहि होस् । मिस नेपाल २०२२ का प्रतिष्पर्धी २४ जनालाई शुभकामना ।
