विराटनगर, असार ५
निरज बस्नेत
वातावरणसंग सम्बन्धित चलचित्र कर्तव्य युनिटको यतिबेला देश दौडाहामा निस्केको छ । फिल्मको कथाकार धरानका स्थानीय विनोद रसाईली रहेका छन् ।
सहनिर्मातासंगै कलाकारिता समेत प्रष्फुटीत रसाईलीले गरेका छन् । निर्देशक धरान ५ का युवा व्यवसायी प्रकास लिम्बुको हो । निर्माता राकेश राई, छायांकन एडम लिम्बुको छ । धरानभित्रकै स्थानीय कलाकारहरुको यस चलचित्रमा अभिनय रहेको छ ।
वातावरण स्वच्छ, प्रदूषणरहित बनाऔं । आफ्नो घर वरपर आफै सरसफाई गरौं । वातावरण प्रदूषणबाट हुने विविध खाले संक्रामक रोगबाट आफू पनि बचौं अरुलाई पनि बचाऔं, यही थिम चलचित्रले बोकेको छ ।
जनचेतनामूलक टेलिचलचित्र बनाउन निर्माता रसाईली खप्पिस छन् । धरानमा रहेर सामाजिक अभियन्ताको छवि रसाईलीले बनाएका छन् ।
यही सेरोफेरोमा रसाईलीले यसअघि दर्जनौं अन्य टेलिश्रृङखलाहरुमा समेत काम गरिसकेका छन् । यिनको धेरै विधा मध्येमा हास्यव्यग्य विधा समेत हो ।
