विराटनगर, असार ९
निरज बस्नेत
जनताको चुल्हो दिनप्रतिदिन महंगीदै छ । आज हरेक सामानको मूल्यमा भारी वृद्धि भईरहेको छ । जनता सास्तीमा तर नेता मस्तीमा रमाई रहेका छन् ।
पटकको पटकको मूल्यवृद्धिले आम जनता अब अति भो भन्दै आत्महत्याको बाटोतर्फ लम्किदै छन् ।
दश महिनाभित्रमा पेट्रोलियम पदार्थमा १ सय ७० प्रतिशतसम्म मूल्य वृद्धि गरिएको छ । मूल्य सरकार बढाउँछ , नाम आउँछ आयल निगमको । स्वचालित मूल्य वृद्धिको नाममा आयल निगमलाई देखाएर सरकार कदापि पन्छिन मिल्दैन ।
जब जब पेट्रोलियम पदार्थको मूल्य बढ्छ । तब तब दैनिक उपभोग्य वस्तुको भाउ मनपर्दी हुन्छ । बजार अत्यासलाग्दो बनिदिन्छ ।
