विराटनगर, असार १३
निरज बस्नेत
विराटनगरको हाटखोलामा रहेको आर. के मल घाटामा चलिरहेको छ । यस मल निकै तामझामका साथमा कोरोनाकालमै उद्घाटन गरिएको थियो । जसरी उद्घाटन गरियो । त्यही अनुपातमा सफलताको सिँढी उक्लिन सकेन । फलस्वरुप आज यो मल प्रायः सुनसान जस्तै हुन्छ ।
खाध्यान्न, लत्ताकपडा, ईलेक्ट्रिक सामान, फर्निचर, लगायतमा नयाँ नयाँ केही देखिदैन । सबै पूराना स्टककै सामान छन् , यही पनि बेच्न धौधौ छ । निकै नै छुट अफर दिदा समेत मार्केटमा खासै चार्म छैन ।
रेष्टूरेण्टमा, स्विमिङ पुलमा, मल्टिप्लेक्समा कोही कोही बेला मात्र चहलपहल देखिन्छ ।
लगानीकर्ता र व्यवस्तापकीय अदूरदर्शीतताका कारण आज यस आर. के. मलको व्यापारमा दिनप्रतिदिन खस्केको प्रष्टै छ ।
