विराटनगर, श्रावन २६
विराटनगरको जनरल हस्पिटल एण्ड ट्रमा केयर सेन्टर पुनः संचालनमा आएको छ । बुधवार विराटनगर १३ मलायारोड (साल्ट टेडिङ्ग) स्थित आफ्नै भवनामा स्थानतरण भई अस्पताल पुःन संचालनमा आएको हो । यस अघि घोँघापुलचोकमा रहेको लिजको भवनमा अस्पताल संचालन हुदै आएको थियो ।
विराटनगर महानगरपालिका प्रमुख नागेश कोइरालाले बुधवार रिवन काटेर नँया भवनको उद्घाटन गरेको थिए । तीन कट्ठा क्षेत्रफलमा १५ करोड भन्दा बढी लगानीमा प्रारम्भिक चरणमा १५ शय्याको अस्पताल सञ्चालन आएको जनरल हस्पिटल एन्ड ट्रमा केयर सेन्टर प्रालिका अध्यक्ष जय प्रकाश रायले बताए । अध्यक्ष रायले भने ‘यसलाई छिट्टै नै २५ सैयाको अस्पताल बनाउने र कालान्तर सिट संख्या बढाउदै जाने हाम्रो योजना छ ।
आफ्नै भवनमा हस्पिटल सञ्चालनमा आएपछि विशिष्टीकृत सेवा प्रदान गर्ने अध्यक्ष रायले बताए । हस्पिटलमा आइसियु, एन आइसियु, भेन्टिलेटर, इन्डोस्कोपी, ई सिजी, एकसरे, अल्ट्रासाउन्ड पनि नयाँ भवनबाट सुरु हुने उनले बताए ।
अस्पतालमा बाल रोग विशेषज्ञ डा . फरेन्द्र साह, वरिष्ठ फिजिसियन डा. सच्चिदानन्द दास, वरिष्ठ जनरल तथा ल्यप्रोस्कोपी सर्जन डा। क्षितिज गिरी, फिँजियो थेरापिस्ट डा. मो. जा वेद पी.टी. अर्थोपेटिक सर्जन डा. मिलन केसी, स्त्री तथा प्रसूति रोग विशेषज्ञ डा. तुलसी महतोलगायतले सेवा दिनेछन् । डा . फरेन्द्र साह अस्पतालका मेडिकल डाइरेक्टर पनि हुन् ।
आफ्नै भवनमा सञ्चालनमा आएको हस्पिटलमा एक सय भन्दा बढीले रोजगारी पाउने बताईएको छ ।
