काठमाडौं, श्रावण ३१
नेकपाले केन्द्रीय कार्यालयका सचिवहरुसहित सातै प्रदेशका सहइन्चार्जहरुको टुंगो लगाएको छ । शुक्रवार बसेको नेकपाको सचिवालय बैठकले उक्त पदपुर्ति गरेको हो । बठैकले केन्द्रीय कार्यालय सचिवमा श्रीराम ढकाल र ईश्वरी रिजाल विश्वकर्मालाई चयन गरेको छ ।
त्यस्तै सातवटा प्रदेशमा दुई–दुईजना सहइन्चार्ज तोकेको छ । यसअघि पनि सात प्रदेशमा एक एक सहइन्चार्ज चयन भइसकेका छन् । अब प्रत्येक प्रदेशमा तीन–तीनजना सहइन्चार्ज रहनेछन् ।
ईश्वर पोखरेल
स्कुल विभाग प्रमुखमा ईश्वर पोखरेल
उक्त बैठकले अधिकांश मन्त्रीलाई सम्बन्धित मन्त्रालयकै विभाग प्रमुख बनाइएको छ । मन्त्री नरहेका माधव नेपाल विदेश विभाग प्रमुख भएका छन् भने सुवास नेम्वाङ संसदीय विभाग प्रमुख भएका छन् ।
त्यसैगरी बैठकले स्कुल विभाग प्रमुखको जिम्मेवारी ईश्वर पोखरेललाई दिएको छ । स्कुल विभाग प्रमुखका लागि पोखरेलसँगै नारायणकाजी श्रेष्ठ, घनश्याम भुसाल, बेदुराम भुसालसहित ८ नेताको दावी थियो ।
पूर्वएमालेले पोखरेल र पूर्वमाओवादीले श्रेष्ठको नाममा अडान लिएपछि स्कुल विभाग प्रतिष्ठाको विषय बनेको थियो ।
