विराटनगर, साउन ३०
अन्ततः ५४ औं संस्करणको राधाकृष्ण रथयात्रा भदौ ४ गते यहाँ भव्यताको साथ हुने भएको छ । यसअघिको ५२ औं र ५३ रथयात्रा कोभिडका कारण विधि धान्ने गरी मात्र निकालिएको थियो ।
यसपटक भव्य रुपमा रथ निकाल्न जनदवाव बढेपछि आयोजक समिति बाध्य बन्यो । सोमबार मुख्यमन्त्री राजेन्द्र राईले समेत रथ निकाल्ने सवालमा ग्रिन सिग्नल दिएपछि यसपटकको रथ भव्यताको साथ निकालिने पक्कापक्की भएको छ ।
के भन्छन् सिडिओ :
जिल्ला प्रशासन कार्यलय मोरगले रथ निकाल्न नदिएको भन्दै प्रमुख जिल्ला अधिकारी काशीराज दाहालविरुद्ध भक्तजनहरुले केहि दिनदेखि अभियाननै चलाएका थिए । तर प्रजिअ दाहालले भने आफू रथयात्रा निकाल्ने बर्खिलाफ कहिले नगएको संचारमाध्यममा बताएका छन् ।” हामीले केन्द्रको सर्कुलर अनुसार स्वास्थ्य मापदण्ड अपनाउन र सकेसम्म कम भिडभाग गर्न सुझाव मात्र दिएको हो ।” दाहालले भने “कोभिड संक्रमणको संख्या पछिल्लो समय पुनः बढ्दै गएकोले सर्तक हुन भनेका हौं, भारतबाट समेत भक्तजन आउने भएकोले जोखिम न्युनिकरण गर्न सुझाएका मात्र हौं “
