विराटनगर भदौ ६
ए एण्ड जेड एजुकेशन सर्भिसेजले आइतबारबाट शैक्षिक सेवा सुरु गरेको छ । विराटनगरस्थित हिमालय रोडमा सञ्चालनमा आएको उक्त एजुकेशन सर्भिसेजले हाल पिटिई, आईएलटिएल र कम्प्युटरको कक्षा संचालन गरेको छ ।
आईतबार लायन इन्द्र खत्रीले ए एण्ड जेड एजुकेशन सर्भिसेजको शुभारम्भ गरेका थिए । उक्त सन्टेरले आगामी दिनमा कन्सलटेन्सीको समेत काम गर्ने उद्घाटन कार्यक्रमलाई सम्बोधन गर्दै ए एण्ड जेडकी संचालीका अध्यक्ष कविता पाण्डेले जानकारी दिईन् ।
कार्यक्रममा गैर आवासीय संघ अष्ट्रेलियाका निवर्तमान अध्यक्ष केशव कँडेलले अष्ट्रेलियामा उच्च शिक्षा अध्ययनका लागि जान अपनाउनु पर्ने प्रक्रियाबारे जानकारी दिए । उनले भिसा प्रोसेसिङ, अष्ट्रेलियामा काम गर्दा अपनाउनु पर्ने प्रक्रियाहरुबारे पनि सहभागी विद्यार्थी र अभिभावकहरुलाई जानकारी गराएका थिए ।
कार्यक्रममा, प्रदेश १ लोकसेवा आयोगकी सदस्य सिमा अभास, हिसानका केन्द्रीय उपाध्यक्ष भेषराज पोखरेल, शिक्षादीप कलेजका प्राचार्य ज्ञानेन्द्र खड्का, विकल्प गैर–मुनाफा कम्पनीका संचालक बसन्त अधिकारी लगाएत शैक्षिक क्षेत्रमा आवद्ध व्यक्तिव्वहरुको अपस्थिती रहेको थियो ।
