दिनेश खड्का
विराटनगर, भदौ ६
जैन ईन्टरनेश्नल ट्रेड आर्गनाईजेशन (जिटो) को पहिलो अन्तर्राष्ट्रिय महिला शाखा (जिटो लेडिज विङ्स) विराटनगरमा गठन भएको छ ।
विराटनगर विङ्सकोे लागी सन्तोष जैनको अक्ष्यक्षतामा ३० सदस्यीय समिति गठन भएको छ । त्यसैगरी उपाध्यक्षद्वयमा शोभना दुगड र मीना गोल्छा, सचिव रोज धाडेवाल, सहसचिवद्वय मिनल तातेड र डा.नुतन नौलखा र कोषाध्यक्षमा सरिता गोल्छा चयन भएका छन् ।
आईतवार विराटनगरको होटल ह्यरिसनमा आयोजित जिटोको औपचारिक कार्यक्रममा नवगठित समितिका पदाधिकारीहरुले पद तथा गोपनियताको सपथ ग्रहण समेत गरेका छन् ।
जैन महिलाहरुलाई आर्थिक गतिविधिमा सहभागिता गराउनु जिटो लेडिज विङ्सको मुल उद्देश्य रहेको अध्यक्ष सन्तोष जैनले कार्यक्रममा बताईन् । नेपालमा कारिब २ हजार जैन परिवार छन् र ति परिवारहरुको महिला सदस्यहरुलाई समाजिक र आर्थिक रुपमा जागरुक बनाउन जिटो लेडिज विङ्सले महत्वपुर्ण भुमिका खेल्ने अध्यक्ष जैनले प्रतिबद्धता समेत व्यक्त गरिन् ।
नेपालका पूर्व उद्योग राज्यमन्त्री मोति दुगड सहित जैन महिला विभाग भारतकी उपाध्यक्ष अधिवक्ता मिनलभरत खोना, सचिव शीतल दुगड, पूर्व क्षेत्रकी संयोजक ज्योती जैन र जिट्टो काठमाडौंका प्रमुख सचिव मनोज सेठियाको कार्यक्रममा उपस्थिति रहेको थियो ।
जिटोको भारत स्थापना भएको एक अन्तराष्ट्रिय संगठन हो । यसको मुख्यालय भारतको मुम्बाईमा छ ।
