विराटनगर, भदौ २३
प्रदेश १ लाई साक्षर प्रदेश घोषित गरिएको छ । यहाँका १५ देखि ६० वर्ष उमेर समूहका ९६ प्रतिशत भन्दा बढी नगरिक साक्षर भएको समाजिक विकास मन्त्रायले जनाएको छ । १५ देखि ६० वर्ष उमेर समूहका ९५ प्रतिशत भन्दा बढी नागरिक साक्षर भए सो क्षेत्रलाई साक्षर घोषणा गर्न सकिने युनेस्कोको नीति छ ।
बिहिवार अन्तर्राष्ट्रिय साक्षरता दिवसको अवसर पारेर प्रदेश १ सरकारले प्रदेशलाई साक्षर घोषणा गरेको हो । विराटनगरको आदर्श विद्यालयको प्रगणमा आयोजित एक कार्यक्रमविच प्रदेश १ का सभामुख प्रदीपक कुमार भण्डारीले साक्षर प्रदेश घोषणा गरेका हुन ।
मातृ भाषा लेख्न पढ्न आउने, अकंहरु चिन्ने, क्यालकुलेटर समान्य चलाउने जान्ने, भाउचर विवरण पढ्न जान्ने अदि क्षमतालाई साक्षरताको मापदण्ड मानिएको छ । प्रदेशका १४ जिल्लालाई यस अघि नै साक्षर घोषणा गरिएता पनि समग्र प्रदेशलाई औपचारिक रुपमा सक्षर घोषणा गर्न बाँकी थियो ।
प्रदेशका १४ जिल्लालाई यस अघि नै साक्षर घोषणा गरिएको थियो । प्रदेश १ मा १५ देखि ६० वर्ष उमेर समूहका ९६ प्रतिशत भन्दा बढी नागरिक साक्षर भएको सामाजिक विकास मन्त्रालयको तथ्याङ्कमा उल्लेख गरिएको छ । सामाजिक विकास मन्त्रालयको तथ्याङ्क अनुसार सुगम जिल्लाहरूमा साक्षरता प्रतिशत कम देखिएको छ । प्राप्त तथ्याङ्का अनुसार पाँचथरमा ९७ प्रतिशत साक्षर रहेका छन् । झापामा ९८।३३ प्रतिशत, धनकुटामा ९७ .५ प्रतिशत ओखलढुङ्गामा ९९.५ प्रतिशत, इलाममा ९७.६२ प्रतिशत, खोटाङमा ९६.५६ प्रतिशत, सुनसरीमा ९५.५ प्रतिशत मोरङ ९६.५ प्रतिशत रहेका छन् । यस्तै तेह्रथुममा ९५.९८ प्रतिशत, भोजपुरमा ९६.८प्रतिशत,उदयपुरमा ९५.३२ प्रतिशत, सखुवा सभामा ९५.६३ प्रतिशत ताप्लेजुङमा ९६.४५ प्रतिशत र सोलुखुम्बुमा ९६.७३ प्रतिशत प्रतिशत साक्षर रहेका छन् । प्रदेश १ को कुल साक्षरता ९६.७४ प्रतिशत रहेको छ ।
यो घोषणासँगै प्रदेश १ तेस्रो साक्षर प्रदेश बनेको छ । यसअघि वाग्मती र गण्डकी प्रदेशलाई साक्षर घोषणा गरिसकिएको छ ।
