चितवन, श्रावण ३२
न्यायीक प्रक्रियालाई बाधा पु¥याउने गरी समर्थकहरु प्रदर्शनमा उत्रिएपछि चितवनका युवाहरुले अनुसन्धान प्रभावित नगर्न आग्रह गर्दै संचारकर्मी रवि र उनका समर्थक विरुद्ध प्रदर्शन गरेका छन् । उनीहरुले पत्रकार शालिकराम पुडासैनीले गरेको आत्महत्याको निष्पक्ष छानविन गर्न माग गर्दै शनिबार बिहान चौबिसकोठीमा प्रञदर्शन गरेका छन् ।
कुनैपनि राजनितिक पार्टिसँग नजोडिएको स्वतन्त्र युवा समुहले उक्त प्रदर्शनीको नेतृत्व गरेको हो । प्रदर्शनमा सहभागीहरुले ‘निष्पक्ष छानविन गर्न देऊ’, ‘पुडासैनीले न्याय पाउनैपर्छ’ ‘दोषीलाई कारबाही होस्’, ‘एनजीओको हस्तक्षेप बन्द गर’ लगाएतका नारा लेखिएका प्लेकार्ड बोकेका थिए ।
शुक्रबार लामिछानेका समर्थकहरुले गरेको प्रदर्शनमा प्रहरीले हस्तक्षेप गर्दा दुवै पक्षबीच झडप भएको थियो । झडपमा पाँच जना प्रहरी घाइते थिए । प्रहरीले लामिछाने, पत्रकार युवराज कँडेल र नर्स अस्मिता कार्कीलाई पक्रेको छ । उनीहरुमाथि पुडासैनीको आत्महत्यामा दुरुत्साहन गरेको अभियोग छ ।
