विराटनगर, असोज ४
पर्रशुराम गिरी
विराटनगर महानगरपालिकाको वाड नं ६मा रहेको शुक्रपथ सडक एक वर्षदेखि उज्यालोविहिन छ । सडकमा बत्ती नहुदाँ स्थानीयहरुलाई आवतजावत गर्न निकै कठिन भईरहेको छ । बत्ति नहुँदा कयौँ पटक यस सडकमा दुर्घटना समेत भईसकेको देख्ने बताउँछन् ।
स्थानीयका अनुसार एक वर्षअघि यस सडकमा रहेको पोलहरुमा बत्तीहरु बल्ने गरेका थिए । तर एकाएक यहाँका बत्तीहरु बल्न छोडिपछि स्थानीहरु आक्रोषित छन् । सडक छेउका घरबाट निस्किएको बत्तिको धमिलो किरणको सहारामा स्थानियहरु अवातजावत गरिरहेका छन् ।
वार्डका जनप्रतिनिधि तथा विद्युत प्रधिकरणका कर्मचारीहरुलाई बारम्बार खबर गर्दापनि समस्याको समाधान हुन नसकेको उनीहरुको गुनासो छ ।
शुक्रपथ सडक शिव मन्दिर, भाटभटेनी र निर्माणाधिन अवस्थामा रहको सेन्टुरो मलको पछाडि छ ।
