विराटनगर, असोज ७
निरज बस्नेत
विराटनगरमा खुलेआम लंगुरवूर्जा (जूवा) खेलाईरहेको पाईएको छ । कानूनतः वर्जित लंगूरवूर्जा विराटनगरको वरगाछीदेखि पश्चिमपट्टी चाँदनी चोक नजिककाे सडकपेटीमा खुलेआम खेलाई रहेकाे भेटीएकाे हाे । यहाँ बेलुका ५ बजेदेखि शुरु हुने लंगुरवूर्जा रातकाे ९ बजेसम्म चल्ने गरेकाे छ ।
शहरकै ठुलाे चाेकमा गनिने बारगाछी-चाँदनीचाेक एरीयामा खुलेआम लंगुरवूर्जा खेलाईरहदा समेत सरोकारवाला सवै वेखवर झै बनिरहेका छन् । साे ठाँउमा पटक पटक प्रहरीकाे भ्यान ओहरदाेहर गरिरहदाँ समेत खाल चलाउनेहरुले निशंन्देह लुंगरवूर्जा खेलाईरहेका हुन्छन् । विराटनगरदेखि बाहेक छिमेकी देश भारतकाे विहारबाट समेत यहाँ लंगुरवूर्जा खेल्न आउने गरेका छन्।
भिडभाँडयुक्त यस खेलमा दैनिक लाखौंको जितहार भईरहेको छ । टोल – टोलका केटाहरु यस खेलमा झुम्मिएँका कारण यस क्षेत्रका अभिभावकहरु चिन्तित छन् । प्रदेश नं. १ को राजधानी तथा एकमात्र महानगरपालिका विराटनगरमा यसरी प्रहरी प्रशासनलाई ठाडै चुनौती दिदैं लंगूरवूर्जा खेलाउनुलाई हलुका लिन कदापि मिल्दैन ।
यसरी खुलेआम रोडमा जुवाजन्य खेल खेलाईरहदा प्रहरी मूकदर्शक बन्नुले स्वयं सुरक्षा व्यवस्थालाई चुस्त–दुरुस्त बताउँदै आएको मोरङ प्रहरीलाई नराम्ररी गिज्जाईरहेको छ ।
