विराटनगर, असोज १०
विराटनगरमा रहेको मातृभुमी फाउण्डेशन नेपालले दुई जना विद्यार्थीलाई छात्रवृति प्रदान गरेको छ ।
विराटनगर ६मा रहेको सावाजिया मदरसामा अध्ययनरत महमद अल्ताफ र जोया खातुनलाई फाउण्डेसनले आज एक कार्यक्रमको आयोजना गरी छात्रवृत प्रदान गरेको हो । जोया र अल्ताफ दाजु बहिनी हुन् । दाजु अल्ताफ कक्षा ३ मा अध्ययन गर्दैछन् । बहिनी जोया कक्षा १ मा अध्ययनरत्त छिन् ।
फाउण्डेशनले उनीहरुको एक वर्ष पढ्न लाग्ने खर्च छात्रवृतिमार्फत वेर्होएको छ । फाउण्डेनका संस्थापक अध्यक्ष चाँद ईराकीले आजै छात्रवृतिको रकम अभिभावकको उपस्थितीमा विद्यार्थीलाई हस्तान्तरण गरेका थिए ।
ईराकीले दातामार्फत गरिब तथा जेहनदार विद्यार्थीहरुलाई आर्थिक सहयोग गर्दै आएका छन् । अल्ताफ र जोयाको लागी काठमाडौं निवासी अनिता श्रेष्ठले फाउण्डेशनलाई सहयोग प्रदान गरेको थिइन् ।
