विराटनगर, असोज १२
निरज बस्नेत
लोकप्रिय कलाकार प्रदीप खड्काको प्रमुख भूमिका रहेको प्रेम गीत ३ को लोकप्रियता उँचाईमा पुगेको छ । कलाकारमध्येका एक संन्तोष सेनद्दारा निर्देशित यस चलचित्र राम्रो बनेको भारतीय फिल्म समिक्षक कोमल नाहाटाले प्रतिक्रिया समेत दिएका छन्।
नेपालको स्वर्गको रुपमा परिचित ठाउँ मुस्ताङको लोकेशनमा खिचिएको यो चलचित्रको कन्टेन्ट राम्रो भएको कारण नैं हलको पर्दासम्म दर्शक आईरेहेको पाईएको छ । सुन्दरी नायिका कृष्टिना गुरुङको साथमा , सुनिल थापा, माओत्से गुरुङ, शिव श्रेष्ठ लगायतको अभिनय पोख्त मानिएको छ ।
नेपाली र हिन्दि भाषामा रिलिज गरिएको यो चलचित्र विश्वभरका १२ सय पर्दामा एकसाथ चलिरहेको छ । भारतका ५ सय पर्दामा एकैसाथ लागेको छ । नेपालको हकमा गएको शुक्रवारवाट नेपाली भाषामा लागेको हो । हिन्दिको हकमा १० गते घटस्थापनाको दिनवाट लागिरहेको छ । नेपालीहरुको महान् चाड दशैंलाई लक्षित गरी प्रेम गीत ३ रिलिज गरिएको हो ।
कविराज गहतराजको कोरियोग्राफीमा दम छ । समग्रमा अ कम्लिट प्याकेजको रुपमा प्रेम गीत ३ रिलिज गरिएको हो । पिजी सर्टिफाईट यस मुवीमा , प्रेम , रोमान्स , एक्सन , थ्रिलरको कम्युनिकेशन मिलेको छ । राते काईला नामले सुपरिचित कलाकार सुनिल थापाको रोल पर्फेक्ट छ । थापाले आफ्नो साईटको भूमिकामा निखारता ल्याएका छन् । पूराना एक्सन किङ हिरो शिव श्रेष्ठ खुवै जमेका छन् । हुकुमको रोलमा शिव फिट छन् ।
माओत्से गुरुङ थिएटरवाट उदाएका कलाकार फेरी पनि दमदार देखिएका छन् । वालकलाकारका रुपमा अभिनव रेग्मीको छोटो–मिठो रोल छ । नायक प्रदीप खड्काको वालापनको रोलमा रेग्मी सुहाएका छन् । निर्देशक मध्येका एक संन्तोष सेनले टाईमिङ रोल खेलेका छन् । जहाँ सेन चलचित्रमा मुख्य पात्र खड्काको जिग्रीको रुपमा फिट एण्ड फाईन छन् ।
चलचित्रमा दरोगा भन्ने एउटा राज्य देखाईएको छ । यहाँ, शिव श्रेष्ठ हुकूम प्रमुख हुन्छन् । शिवका दुई छोरा छन् । दुईमध्ये एकलाई नायकको रुपमा अर्कालाई खलपात्रमा अटाईएको छ । हिन्दि मुवी वाहुवलीको झल्को दिने कटप्पाको रोल जस्तै.एकपात्र समेत चलचित्रमा छन् ।
दरोगा राज्यको हुकुमी साथमा ७ गाउँको कन्टेन्ट कथाले बोलेको छ । ७ गाउँमा वर्षोअघिदेखि दरोगा राज्यको हुकुम चल्छ । यही सार फिल्ममा छ । आजसम्मको रेकर्ड हेर्दा विश्वव्यापी प्रेम गीत ३ ले करिव–करिव २० करोडको ग्रस कलेक्सन गरेको छ ।
