निरज बस्नेत
असोज १३, दुहवी
दुहवी /सुनसरीको दुहवीमा जारी रमाईलो मेला तथा साँस्कृतिक कार्यक्रममा नजिकको शहरबाट अवलोकनकर्ता आउने क्रम बढेको छ ।
दुहवी ५ स्थित पशुपति बिस्कुट उद्योग सडकपारी भईरहेको उक्त मेलामा नजिकको सहर विराटनगर, ईटहरी, धरान र भारतको बिहारबाट समेत अवलोकनकर्ताहरु आईरहेको पाईएको छ ।
रमाईलो मेलासँगै आयोजना भएको साँस्कृतिक कार्यक्रममा दैनिक स्थानीय तथा रास्ट्रिय कलाकार प्र्रस्तुती हुने गरेको छ । मानोरञ्जनात्मक कार्यक्रममा भोजपुरी, मैथीली तथा हिन्दी नृत्य समेत प्रस्तुत भईरहेकाले अवोलोकनकर्ताको घुईचो लागेको छ । मेलाक्षेत्रमा दैनिक ५ हजार भन्दा बढी मानिसहरु आवतजावत गर्ने गरेका छन् ।
मेलामा साँस्कृतिक कार्यक्रम सँगै रोटेपिङ, बाल उद्यान, घिर्नी रेस, ड्रागन रेस, दाना रेस, बल रेस, नाउ रेस, तिर , रेस, बेत रिङ्ग र बच्चाहरुको विभिन्न खेल हुने मेला व्यवस्थापक विवेक बस्नेतले जानकारी दिए ।
सो मेला असोज १६ गते सम्म दिनको ३ बजे देखी रातीको ९ बजे सम्म मेला लगाउने श्रीजनशिल युवा क्लबका अध्यक्ष अमित कुमार बडहीले बताए । थप १५ दिनको लागी मेला बढाउने आयोजक समितीले तयारी समेत गरेको छ ।
